कोरियामा फिल्म फ्रिसी प्रदर्शन हुने
सोल-तमु धीँ दक्षिण कोरियाको आयोजनामा कोरियामा गुरुङ फिल्म फ्रिसी (युवा) प्रदर्शन हुने भएको छ । धीँले सञ्चालन गरीरहेको तमु हाउस ब्यवस्थापनको सहयोगार्थ उक्त फिल्म दक्षिण कोरियामा प्रदर्शन गर्न लागिएको तमु धीँका वरिष्ठ उपाध्यक्ष तथा फ्रिसीका निर्माता प्रितम गुरुङले जानकारी दिए ।
विभिन्न परिस्थितिले अभिभावकहरु देश बाहिर हुँदा तिनका बालबच्चाहरुमा पार्ने असरहरु, छोराछोरीले खोज्ने अभिभावकको साथ, बिस्तारै युवाअवस्था प्रवेश गरेपछि उनीहरुमा पैदा हुने मातृभुमीप्रतिको माया र बिदेशमा हुने अभिभावकहरु आफ्नो सन्तान, घरपरिवारदेखि टाढा हुँदाको पिडालाई फिल्ममा समेटिएको निर्माता रिता गुरुङले बताए । “फ्रिसी गुरुङ संस्कृतिमा आधारित रहेर निर्माण गरिएको फिल्म हो । नेपाली समाजमा हाल ब्यप्त बिदेशिने प्रवृत्तिले अभिभावक र सन्तानहरु बिचको दुरी, सोच र स्वदेशमै केहि गर्नुपर्छ |” भन्ने कथावस्तुलाई यो फिल्मले प्रस्तुत गर्न लागेको उनले बताए ।
फिल्ममा तमु र नेपाली भाषाको मिश्रण रहेको हुँदा तमु लगायत गैर तमु सबै नेपाली दाजु-भाई दिदी-बहिनीहरूले हेर्न सकिने कुरा निर्माता प्रितम गुरुङले जानकारी दिंदै थेगु र बुसान क्षेत्रमा पनि उक्त फिल्म प्रदर्शन गर्ने बताए ।
ह्वाइट लोटस स्टुडियो पोखराको प्रस्तुति रहेको उक्त फिल्मलाई युग बहादुर गुरुङले निर्देशन गरेका छन । गुरुङकै परिकल्पना तथा कथा रहेको फ्रिसीको निर्माताहरुमा प्रितम गुरुङ (द. कोरिया) , टोप गुरुङ (द. कोरिया), रिता गुरुङ (द. कोरिया ) र सरिता गुरुङ (द. कोरिया) रहेका छन । प्रतीक गुरुङ र धन माया गुरुङ्को मुख्य भुमिका रहेको यो फिल्म फेब्रुअरी २८ तारिखमा याक्सु हलमा प्रदर्शन गरिने भएको छ ।
गत जनवरी २४ तारिख आईतबारका दिन धींका अध्यक्ष प्रदीप तमुको अध्यक्षतामा बसेको बैठकले फिल्म प्रदर्शन गर्ने निर्णय गरेको थियो साथै उक्त बैठकमा गत जनवरी ३ तारिखमा मनाईएको तमु ल्होछार/ल्होसार कार्यक्रमको समीक्षा गर्दै कार्यक्रमलाई प्रत्यक्ष वा अप्रत्यक्ष रूपमा सहयोग गरि भव्यरुपमा सफल पारिदिएकोमा कोरियाका सम्पूर्ण संघ-संस्था तथा तमुलगायत अन्य सबै नेपाली दाजु-भाई दिदी-बहिनीहरूमा तमु धीं दक्षिण कोरियाले हार्दिक धन्यवाद ब्यक्त गरेको छ। बैठक धीँका सचिव हिमांशु गुरुङले सन्चालन गरेका थिए ।
स्थान :- याक्सु हल
मिति :- फेब्रुअरी २८, आइतबार
समय:- दिउँसो १ बजे
सम्पर्क :- प्रितम गुरुङ निर्माता
कोरिया प्रदर्शन
संयोजक ०१०-३४६३-५५३२
