कोरियावासीलाई गायिका ज्योतिमगरको अनुरोध
किम्हे, गत बैशाख १२ गते नेपालमा गएको भूकम्पपछि क्षतविक्षत भएको ७ जिल्लामा विद्यालय भवन पुननिर्माण गर्ने उदेश्यले दक्षिण कोरियाको किम्हे शहरमा बृहत साँस्कृतिक कार्यक्रम भाग-१को आयोजना गरिने भएको छ । कोरियाको नयाँ वर्ष सलनालको पहिलो दिन फेब्रअरी ७ तारिखका दिन आयोजना हुने उक्त बृहत साँस्कृतिक कार्यक्रममा सहभागी लोकगायिका ज्योती मगरले कार्यक्रमलाई सफल पार्न सम्पूर्ण कोरियावासी नेपालीलाई अनुरोध गरेकी छिन् ।
भूकम्प पिडित स्कुल निमार्ण सहयोगार्थ सपोर्ट नेपाल फाउन्डेशन दक्षिण कोरियाले आयोजना गर्न लागेको साँस्कृतिक कार्यक्रममा नेपालबाट लोकगायिका ज्योति मगरसहित नेपालका प्रख्यात कन्दरा बैण्ड, हास्यव्यंग्य कलाकार जीरे खोर्सानीका शिवहरी पौडेल, किरण केसी लगायत स्थानीय कलाकारहरुको सहभागिता रहने भएको छ ।
भूकम्प पिडित स्कुल निमार्ण सहयोगार्थ योजना अनुरुप तीन जिल्ला काभ्रे, नुवाकोट र सिन्धुपाल्चोकमा निमार्णकार्य भैरहेको र बाँकी जिल्ला गोरखा, मकवानपुर, धादिंग र दोलखामा विद्यालय भवन पुनर्निमाण गर्ने उदेश्यसहित उक्त साँस्कृतिक कार्यक्रमको आयोजना गरिने आयोजक रमेश उप्रेतीले बताएका छन् । उक्त कार्यक्रमलाई सफल पारिदिन सम्पूर्ण संघसंस्था, बुद्धिजीबि, ब्यापारी, विद्यार्थी, सामाजिक व्यक्तित्व लगायत सम्पूर्ण कोरियावासी नेपालीहरुलाई आयोजकले अनुरोध गरेको छ ।
