कोरियामा मगर जातिले माघी भब्य मनाए

सोल-नेपाल मगर सङ्घ दक्षिण कोरियाले सउलमा  आयोजना गरेको मगर – माघे सक्रान्ती विशेष कार्यक्रम अत्यन्त सफलता पुर्वक सम्पन्न भएको छ ।

नेपाल मगर संघ दक्षिण कोरियाका अध्यक्ष खड्ग थापा मगर ज्यूको सभापतित्वमा सँचालन भएको  उक्त कार्यक्रमको प्रमुख अतिथी भने नेपाली राजदुताबास दक्षिण कोरियाबाट श्रम सहचारी अनिल गुरुङ्ग ज्यूले गर्नु भएको थियो ।

विशेषत: यो अत्यन्त चिसो मौसम अनि कार्य ब्यस्तताको बाबजुद पनि आफ्नै कार्यक्रम सम्झी पाल्नुहुने सम्पुर्ण संघ सँस्थाका प्रतिनिधि ज्यू हरु , विशिष्ठ, ब्याक्तित्वहरु,समाजसेवी, राजनैतिक भात्री सँगठनका मित्रहरु,साथै  पत्रकार मित्रको पनि बाक्लो उपस्थिति रहेको थियो ।

माघे सक्रान्ती, खासगरी यो पर्व हिउँदे अनिकाल र उँधेउली जीवन पार गरी खुशीयालीका साथ बाँच्न पाउने परिकल्पना सहित हराभरा उभेउली जीवनमा प्रवेश गरेको खुशीयाली एवम् उत्सवको रुपमा माघे संक्रान्ति मनाइन्छ । यस चार्डमा खासगरी धनुष वाण खेल्ने, छेलो हान्ने, वनको तरुल भ्याकुर, कन्दमुल र माछा मासु बनाइ खाने, सेल रोटी,मासको बारा (बट्टुक), मासको दाल भात घ्यु र नून एकै ठाउँमा पकाइ खिचडी बनाउने, खिचडी पितृ पिण्डो दिने, छोरी चेलीबेटी, इष्टमित्रहरुलाई बोलाउने र मिठो चोखो खाने परम्परा छ ।

उक्त कार्यक्रमको  अबसरमा एकीकृत सृजनशिल अनाथलाय नेपाललाई मगर सङ्घ कोरियाका अध्यक्ष खड्ग थापा मगर , प्रमुख अतिथी अनिल गुरुङ्ग, आदिबासी जनजाति महासँघ कोरियाका अध्यक्ष चित्रबहादुर मोक्तान लगायत विभिन्न संघ सँस्थाबाट पाल्नु भएका विशिष्ट ब्यक्तित्वहरुको उपस्थितिमा एकीकृत सृजनशिल अनाथलय कोरियाकि सँरक्षक श्रीमती सुभद्रा राई पालुङ्गवा ज्यूलाई नेपाली रु.१,००,००० (अक्षयरुपी एक लाख रुपैयाँ मात्र) हस्तान्तरण गरेको थियो । साथै जेजु कम्युनिटी ग्रुपकि(जेजु-दो) सँयोजक समेत रहेकी अनाथलयकी संरक्षक राईलाई नेपाल मगर सँघ कोरियले मगर-पछ्यौरा(घलेक)ले ओढाइ सम्मान पनि गरेको थियो ।

उक्त कार्यक्रममा विशेष सहयोग गर्नु हुने हल ब्यबस्थापनमा एनआरएनआइसीसी प्रतिनिधि बिनोद कुंवर ज्यु, कलाकार स्पोन्सर र ब्यबस्थापनमा ओम नारायण जुग्जाली मगर ज्यु, खानेकुरा ब्यबस्थापनमा NRNA कोरियाका  महासचिब तथा ब्यबसायी दीपक पुनमगर ज्यु लगायत प्रत्यक्ष वा अप्रत्यक्ष रुपमा सहयोग गर्नुहुने सम्पुर्ण आदरणीय महानुभाब हरुमा मगर सङ्घ कोरियाले बिशेष आभार प्रकट अनि साधुबाध ब्यक्त गरेको छ ।

उक्त  मगर- माघेसक्रान्ती विशेष कार्यक्रमको लागी आउनु भएकी राष्ट्रिय लोक दोहोरी कलाकार सुश्री अमृता लुङ्गेली मगर ज्यूको अत्यन्त राम्रो दोहोरी  गीतहरुको गायन अनि स्थानिय कलाकारहरुको गायन अनि नृत्यको बेजोड प्रस्तुतीले कार्यक्रम हलमा अत्यन्त चिसो मौसमको बाबजुद पनि गरमागरम छाएको थियो ।

मगर जातीको परम्परा अनुसार पहिले खानपिन औपचारिक कार्यक्रम अनि रमाइलो कार्यक्रमको ब्यबस्था गरि तीन चरणको  कार्यक्रम  दक्षिण कोरियामा नौलो अनि ब्यबस्थित भएको कुरा आगन्तुक पाहुनाहरुको सकरात्मक बिश्लेषण रह्यो ।

कार्यक्रमको तयारी देखि कार्यक्रम अबधी भर साथ दिनु हुने सम्पुर्ण  चेलीबेटी, मित्रबन्धु अनि मगर तथा गैर  मगर दाजुभाइ तथा दिदीबहिनीहरु अनि सम्पुर्ण स्थानीय कलाकारहरु प्रती नेपाल मगर सँघ कोरियाले विशेष धन्यबाद ब्यक्त गरेको छ ।

उक्त माघे सक्रान्ती विशेष औपचारिक कार्यक्रम संघका महासचिब सुब्बा रानामगर ज्यूले सन्चालन गर्नु भएको थियो भने अनौपचारिक एबम् साँस्कृतिक कार्यक्रम द्वय स्नीका थापा मगर र के.बी पुन मगर ज्यू ले सन्चालन गर्नु भएको थियो ।