मिल्ती आयोजनाको रकम बुझाउने म्याद २ हप्ता थपियो

फोनिज कोरिया संवाददाता

सोल-सानो मिल्ती खोला जल बिद्युत आयोजनामा लगानी गर्ने उद्धेश्यले स्थापना भएको सानो मिल्ती (एसएम ) इन्भेस्टमेन्ट कम्पनिको शेयर रकम जम्मा गर्ने म्याद १५ दिन थपिएको छ | गत शनिबार गएको बिनाशकारी भूकम्पका कारण बैंकिङ क्षेत्रमा परेको प्रभावलाई मध्यनजर गर्दै रकम जम्मा गर्ने समय अरु १५ दिन थप गरिएको हो |

यसअघि शेयर आवेदकले अप्रिल अन्तिमसम्मामा शेयर रकमको प्रथम ५० प्रतिशत बुझाउने समय सीमा तोकेको भए पनि महाभूकम्प प्रकोपका कारण पहिलो किस्ता मे १५ सम्म समय थपिएको आयोजनाले जनाएको छ |त्यस्तै दोश्रो किस्ता जुन १५ सम्ममा बुझाइ सक्नुपर्ने जनाइएको छ | आयोजनाले अप्रिलको ५,१२ र १९ तारिकमा करिब २० करोड रुपैयाँ बराबरको शेयर आवेदन लिएको थियो |