तामाङ संघ कोरियाले सोनाम ल्होछार मनाउन ३ जना कलाकार ल्याउने

सोल/कोरिया– नेपाल तामाङ संघ द.कोरियाले २८५२ टे ल्हो (बाँदर बर्ष) सोनाम ल्होछार सांस्कृतिक कार्यक्रम धुमधामका साथ मनाउनको लागी नेपाल बाट ३ जना ख्यातिप्राप्त तामाङ राष्ट्रिय कलाकार ल्याउने भएको छ । जस अन्तर्गत गायक बिश्व दोङ, मेहेंदो मायाँ गायक सागर एस वाईबा र गायिका शशिकला मोक्तान रहेका छन् । गत आईतबार दोंग्देमुनामा बसेको ल्होछार मूल आयोजक कमिटिको बृहत भेलाले सो निर्णय गरेको हो ।

साथै उक्त भेलाले २०१६ फेब्रुअरी ७ आईतबार (सलनालको पहिलो दिन) सोनाम ल्होछार सांस्कृतिक कार्यक्रम सम्पन्न गर्ने निर्णय गरेको छ ।  फेब्रुअरी ८ मा सलनालको बिशेष दिन भएकोले कार्यक्रम गर्न हल उपलब्ध नभएकोले फेब्रुअरी ७ मा सम्पन्न गर्न लागिएको संघका अध्यक्ष देब सिङ तामांगले बताए ।

ल्होछार सांस्कृतिक कार्यक्रम भव्यताका साथ सफल बनाउनको लागी संघका अध्यक्ष देब सिङ तामाङको अध्यक्षतामा ४० सदस्यीय ल्होछार मूल आयोजक कमिटी गठन समेत गरेको छ । कार्यक्रम ब्यबस्थित बनाउनको लागी बिभिन्न उपसमिति गठन गरी जिम्बेवार बांडफांड समेत गरिएको छ ।

ल्होछार मूल आयोजक कमिटिको बृहत भेला बस्दै ..फोटो- जीबी

कलाकार तथा हल व्यवस्थापनमा देब सिङ तामाङ्, रबिन तामाङ्, रेगन तामाङ्,कमल तामाङ्, बिकाश मोक्तान र प्रकाश ब्लोन रहेका छन् आर्थिक तथा टिकट ब्यबस्थापनमा केन्जिङ् योन्जन, सुरज तामाङ, राजकुमार गोले, राम तामाङ, असलमान लामा रहेका छन । प्रचारप्रसारमा जीबी. लामा र मिङ्मार ब्लोन रहेका छन । ल्होछार परिकार ब्यबस्थापनको लागी डेन्जित लामा,सोम ब.वाईबा र मनोज तामाङ् रहेका छन् । यसैगरी तामाङ् पोशाक ब्यबस्थापनमा चित्र मोक्तान (काभ्रे),नीराजन तामाङ्, रुपक तामाङ् रहेका छन् । सांस्कृतिक कार्यक्रम ब्यबस्थापनमा बिकाश मोक्तान, प्रकाश ब्लोन, र स्नेहा लामा रहेका छन् । पूजापाठ ब्यबस्थापनमा बिकाश मोक्तान र निरु तामाङ् रहेका छन् । अतिथि सत्कारमा शान्ती लामा, सुजाता तामाङ्, सरिता लोप्चन र मायाँ लामा रहेका छन् । र साउण्ड सिस्टममा राजु काल्तान र बिकाश योन्जन रहेका छन् ।

ल्होछार बिशेष परिकारहरुको साथमा बिभिन्न तामाङ् सेलो,गित र मेहेन्दोमायाँ नृत्य र स्थानीय तथा राष्टिय तामाङ् कलाकार हरुको बेजोड सांगीतिक प्रस्तुति कार्यक्रमको मुख्य आकर्षण रहने भएको छ । कार्यक्रम सफल बनाउनको लागी सम्पूर्ण संघ संस्था, ब्यापारी, बिध्यार्थी, बुद्धिजीवी पत्रकार र सम्पूर्ण कोरिया बासी नेपाली समुदाय र बिशेष गरी तामाङ् समुदाय लाई जातीय पोशाकमा उपस्थित भै कार्यक्रम सफल पारिदिन तामाङ् संघले आग्रह गरेको छ ।

कार्यक्रम गर्ने स्थान समय भने पछि तोकिने बताईएको छ ।