कान्तिपुरका अध्यक्ष सिरोहियाको जेठो छोराले हाँकेको कार गम्भीर दुर्घटनामा


घटना विवरण सार्वजनिक गर्न ट्राफिक प्रहरीले मानेन

 

सोल /कोरिया – शनिबार बिहान करिब पौने ५ बजे माइतीघरमण्डलामा बा१२च ६१०० नम्बरको भक्सवागन कम्पनीको सेतो रंगको निजी कार गम्भीर दुर्घटनामा परेको छ । चालकले अत्यधिक मदिरा सेवन गरेर गाडी चलाएको कारण अनियन्त्रित भई भएको दुर्घटनामा चार जना घाइते भएको सुरक्षा स्रोतले जानकारी दिएको छ । स्रोतका अनुसार बिहान करिब पौने ४ बजे चार जना व्यक्ति चढेको उक्त सेतो कार थापाथलीको नर्भिक अस्पतालअगाडि केही बेर रोकिएको थियो । उक्त स्थानमा आउँदा पनि सो कार अनियन्त्रित भएर आएको थियो । त्यहाँबाट अगाडि बढ्ने क्रममा उक्त कार अनियन्त्रित भई सडकपेटीमा चढेको थियो । कार सडकपेटीमा चढेपछि रिक्सामा चिया पसल गर्ने तथा चिया पिइरहेकाहरुको भागदौड भएको थियो ।

 

त्यसपछि सो कार नरोकी थापाथलीचोकबाट माइतीघरमण्डलातर्फ गतिमा हुइँकिएको थियो । तीव्र  कार अनियन्त्रित भएर अगाडि बढ्दा माइतीघरमण्डलामा सडक किनारमा रहेको सोलार प्यानल राखेको पोललाई ठक्कर दिएर सडकपेटीकै सिमेन्टले निर्माण गरिएको पिलरमा ठोकिँदा कार सडकमा तीन बल्ड्याङ भएको थियो । उक्त कारमा चालकसहित दुई पुरुष र दुई महिला रहेको सुरक्षा स्रोतले जानकारी दिएको छ ।

 

दुर्घटनामा परेको कार कान्तिपुर पब्लिकेसन प्रालिका अध्यक्ष कैलाश सिरोहियाका जेठा छोरा सम्भव सिरोहियाको रहेको स्रोतले जानकारी दिएको छ । कारमा रहेका अर्का पुरुष व्यक्ति बाफलका सौरभ माली भए पनि सुरक्षा स्रोतले ती दुई युवतीको नाम भने बताउन चाहेन । कार सम्भव आफैँले हाँकेका थिए । ‘केटीको नाम बताउन मिल्दैन’, सुरक्षा स्रोतले भन्यो, ‘कैलाश सिरोहियाका जेठा छोरा सम्भवले चलाएको कार गम्भीर दुर्घटनामा परेको हो ।’ स्रोतका अनुसार उक्त कार कैलाशले छोरालाई जन्मदिनको उपहारस्वरुप दिएका हुन् ।  थापाथलीको चिया पसलमा ठक्कर दिन खोज्दा भागेको उक्त कारको बारेमा प्रहरी कन्ट्रोल रुममा चिया पसले र बटुवाहरुले खबर गर्ने तयारी गर्दैगर्दा दुुई मिनेटमै माइतीघरमण्डलामा दुर्घटनामा परेको थियो । विभत्स तरिकाले दुर्घटना भएको उक्त कार सडकमा उत्तानो परेको देखेपछि मर्निङवाकमा निस्केका सर्वसाधारण र प्रहरीले उक्त कारमा रहेका युवायुवतीलार्ई उद्धार गरेर नर्भिक अस्पताल पु-याएका थिए । अस्पताल पुग्नेबित्तिकै घाइतेहरुलार्ई प्रहरीले सोधपुछ गर्ने क्रममा सिरोहिया र मालीले दुवै जना केटी आफ्नो ‘गर्लफ्रेन्ड’ रहेको बताएको स्रोतले जानकारी दियो ।QMemo+_2015-12-15-04-06-07-1

 

दुर्घटनामा परेका चालकको परिचय तथा उनको हैसियत बुझ्दै अस्पतालको प्रहरीले माथिल्लो निकायमा रिपोर्ट गरेपछि करिब १० मिनेटमा क्रेन र -याकर लिएर प्रहरीको जम्बो टोली घटनास्थलमा पुगेर हतार–हतार उक्त कार हटाएको थियो । स्रोतका अनुसार उक्त दुर्घटनाबाट टायर समेत खुस्किएको गाडीलार्ई क्रेनले उचालेर -याकरमा राख्दा कारभित्रबाट ४/५ वटा मदिरा र बियरका बोत्तल भुइँमा छरपस्ट भएका थिए भने घाइतेहरुको रगत बाटोको भुइँसम्म लतपतिएको थियो । कार उठाइसकेपछि प्रहरीको अर्को टोलीले हतार–हतार कुचो लगाएर सडक सफा गर्दै सडकमा लतपतिएको रगत समेत पुछपाछ गरेर घटनास्थललाई पूर्ववत् अवस्थामा ठीकठाक पारेका थिए ।

माइतीघरमण्डलाको उक्त विभत्स एवं रहस्यमय कार दुर्घटना सम्बन्धमा प्रहरीले मुख खोल्न चाहेको छैन । उक्त दुर्घटनाको विषयमा जानकारी लिनखोज्दा उपत्यकाको ट्राफिक व्यवस्थापनको जिम्मेवारी लिएको महानगरीय ट्राफिक प्रहरी महाशाखाका प्रमुख डीआईजी जय बहादुर चन्दले आफूूलार्ई उक्त घटनाको सम्बन्धमा कार्यालयबाट सामान्य रिपोर्ट गरेको र आफू घरमा भएको कारण विस्तृत विवरण दिन नसक्ने बताए । उनले उक्त घटना खासै ठूूलो दुर्घटना नभएको दाबी गरे पनि आर्थिक दैनिकलार्ई प्राप्त उक्त दुर्घटनास्थलको तस्बिरले उक्त दुर्घटना भयानक रहेको प्रष्ट हुन्छ । सामान्य दुर्घटनामा मिडियाहरुलार्ई ‘प्रेस रिलिज’ पठाउने ट्राफिक महाशाखाले उक्त घटना लुकाउनखोज्नु निकै अर्थपूर्ण देखिएको छ ।

आर्थिक राष्ट्रिय दैनिक बाट

 

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • कि.रा.या. कोरियाले किरात सिरिजङ्गा लिपि प्रशिक्षण कक्षा सञ्चालन गर्ने
  • वन र सेवा क्षेत्रमा पनि कोरियाले नेपाली श्रमिक ल्याउने
  • किम्हे बुसानमा “नमस्ते नेपाल होली इभेन्ट” हुने
  • सुम्निमा डान्स पार्टीको आयव्यय सार्वजनिक , ३ करोड २० लाख वन मुनाफा
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...