कोरियामा नतिजा चलचित्र प्रदर्शनीको तयारी तिब्र पारिदै |

सौल –  वुमन फर वुमन दक्षिण कोरिया द्वारा संचालित सेल्टरको व्यवस्थापनलाई सहयोग  गर्ने उद्देश्य राखेर २०१६ जनवरी १० तारिख सौल सिटि स्थित जोंगागमा रहेको जोग्यसा गुम्बामा आयोजना गर्न लागिएको  चलचित्र नतिजा प्रदर्शनीको तयारी तिब्र पारिएको कुरा संस्थाकी अध्यक्ष मल्लिका थकालीले बताएकी छिन् |

नयाँ बर्ष २०१६ को अवसरमा शुभकामना आदानप्रदान सहित प्रदर्शन गर्न लागिएको नतिजा चलचित्र प्रदर्शनी कार्यक्रमको प्रचारप्रसारका लागि सौल सिटि लगायतको क्षेत्रमा पोस्टर टास्ने काम गरिएको छ भने विभिन्न संघ संस्थाका पदाधिकारी,ब्यापारी,समाजसेबी लगायत बिशिस्ट व्यक्तित्वहरुलाई निमन्त्रना कार्ड चिट्ठी पत्र समेत वितरण गरि आमन्त्रण गरिएको कुरा सचिब ऋतु श्रेष्ठले  जनाएकी  छन् |बिसेष गरेर समाज सेवाका लागि यो कार्यक्रम भएकोले कोरियामा भएका सबै नेपाली दाजुभाई तथा दिदीबहिनी हरुले १/१ टिकट लिएर मनोरन्जन  सहित सहयोग गरिदिनु हुन संस्थाकी उपाध्यक्ष गौरी बोगटीले हार्दिक अनुरोध गरेका छन्|

सपना श्रेष्ठको प्रस्तुतिमा शक्ति पण्डितले निर्माण गरेको चलचित्रमा सोहित मानन्धर र हर्शिका श्रेष्ठ मुख्य भूमिकामा छन् | चेलीबेटी बेचबिखन देखि प्रेमका कुरालाई उठान गरेको चलचित्र नतिजालाई प्रमोद भण्डारीले निर्देशन गरेका छन् |

२०१० मा स्थापित सस्थाले महिलाका लागि सेल्टरको व्यवस्थापन, प्रत्यक महिनामा १ पटक फ्री मेडिकल सर्भिस,आपत बिपतमा परेका नेपाली दाजुभाई तथा दिदिबहिनीका लागि सहयोग ,नेपालमा समेत भूकम्प पिडितका लागि सहयोग लगायत यहाँ रहेका सबै संघ संस्थासंग हातेमालो गर्दै आइरहेको छ|