कोरियामा ल्होछार (ल्होसार) भब्य रुपले मनाउने
सोल कोरिया
सदाको वर्षहरुमा जस्तै यसवर्ष पनि कोरियामा ल्होछार (ल्होसार १५ पुस) भब्य रुपले मनाउने भएको छ । तमु धीँ दक्षिण कोरियाको ७औं अधिवेशन पश्चात आईतबार प्रदीप गुरुङ्को अध्यक्षतामा सम्पन्न नयाँ कार्यसमितिको पहिलो बैठकले यसवर्ष पनि भब्य रुपले ल्होछार मनाउने निर्णय गरेको हो ।
बिशेषगरी नेपाली गुरुङ् समुदायमा पुसे १५ को दिनमा ल्होछार मनाउँदै आएको भए पनि कोरियामा भने जनवरी पहिलो आईतबार मनाउँदै आईरहेको छ । यसवर्षको ल्होछारमा ‘ल्हु ल्हो’ (भेँडा वर्ग) लाई बिदाई र ‘प्र ल्हो’ (बाँदर वर्ग) लाई स्वागत गरी ल्होछार बिशेष कार्यक्रम गरी मनाईनेछ ।
ल्होछारलाई भब्य र सभ्य रुपले सम्पन्न गर्नको लागि अगामी आईतबार सोलको योङ्दाप स्थित धीँकै कार्यालयमा तमु बृहत भेला समेत बोलाईएको छ । भेलाले ल्होछार मूल आयोजक समिति गठन गर्नुका साथै विभिन्न उपसमितिहरु समेत गठन गर्ने बताईएको छ ।
आईतबारै सम्पन्न नयाँ कार्यसमितिको पहिलो बैठकले सचिव द्धय सुनिल गुरुङ्लाई संगठन सचिव र हिमांशु गुरुङ्लाई कार्यालय तथा प्रचार प्रसार सचिव तोकेको छ ।
त्यस्तै अमृत गुरुङ्को संयोजकत्वमा सल्लहाकारहरु चयन गरिएको छ । अन्य सल्लहाकारहरुमा सुरज गुरुङ्, भिम गुरुङ्, नविन गुरुङ्, लक्ष्मी गुरुङ्, जुनु गुरुङ्, बिपीन गुरुङ्, खगेन्द्र गुरुङ्, शक्ति गुरुङ्, भिम गुरुङ् (एभरेष्ट रेष्टुरेण्ट), धर्म गुरुङ्, खोम गुरुङ्, धन गुरुङ्, धावाछिरिङ् गुरुङ्, ईश्वर गुरुङ्, बेल गुरुङ्, लिल गुरुङ्, बुद्धि गुरुङ्, मानसिं गुरुङ्, अमर गुरुङ्, गोलमान गुरुङ् र प्रेम गुरुङ् रहेका छन् ।
सोहि अवसरमा निवर्तमान कोषाध्यक्ष एकबहादुर गुरुङ्ले नवनिर्वाचित कोषाध्यक्ष अनु गुरुङ् र सहकोषाध्यक्ष ममिता गुरुङ्लाई संस्थाको कोष हस्तान्तरण गरेका थिए ।
बैठकले निवर्तमान कार्यसमितिले सञ्चानल गर्दै आएको बिभिन्न अभियान तथा कार्यक्रमहरुलाई निरन्तरता दिने निर्णय समेत गरेको धीँका नवानिर्वाचित महासचिव श्रीराम गुरुङ्ले जानकारी दिए ।
