आर्थिक मन्दिका कारण कोरियन विवाहदर घटदो
ऐश्वर्य श्रेष्ठ,सोल -पैंसाले जीवनमा कति महत्व राख्दछ भन्ने कुरा तपाई हामी सबैंलाई थाहा छ ।तर दक्षिण कोरियामा पछिल्लो समय आर्थिक कारणले विवाहमा प्रभाव परेको छ भन्दा पत्यार नलाग्न सक्छ ।
एक अध्ययनले देखाए अनुसार केही जोडीहरुले आर्थिक कारणले विवाहलाई टार्ने गरेको एक अध्ययनले देखाएको छ ।बिहिबार प्रकाशित तथ्यांकले देखाए बमोजिम गत बर्ष ३ लाख ५ हजार ५ सय सात जना विवाहयोग्य जोडी रहेको जनाएको छ ।
सन २०१३ मा ५.४प्रतिशतले यो विवाह दर घटेको थियो ।सन २०१३ मा २५ देखि ३४ बर्ष उमेर समुह पुरुषहरुमा १.८ प्रतिशतले विवाह दर घटेको थियो । विषेश गरी कोरियनहरुले विवाह पुरुषले औंसत रुपमा ३२.४ उमेरमा र महिलाहरुले २९.८ बर्षको उमेरमा पहिलो चोटी विवाह गर्ने सन २०१३ को तथ्यांकमा उल्लेख छ ।
जब कि गत बर्ष ३० बर्षका उमेर समुहमा विवाह गर्ने जोडीहरुले सब भन्दा बढी छोडपत्र गर्ने गरेको तथ्यांकले देखाएको छ ।सन २०१४ मा विवाहित १ लाख १५ हजार ५ सय मध्ये ९ प्रतिशतले छोडपत्र गरेका थिए ।
स्टाटिक्स कोरियाले भनेको छ ‘धेरैं भन्दा धेरैं मानिसहरु विवाहलाई आवश्यक ठान्दैंनन् ।’आर्थिक मन्दिका कारण विवाह दरमा असर पुगेको अधिकारीले बताएका छन् ।