जनसम्पर्क समितिको अधिवेशन तयारी पूरा
सोल-नेपाली कांग्रेसको प्रबास संगठन नेपाली जनसम्पर्क समिति, दक्षिण कोरियाको अधिबेशन तयारी पुरा भएको जनाइएको छ |
आउदो २२ नोभेम्बरमा नेपाली कांग्रेस केन्द्रीय सदस्य एवं यूवा नेता गुरुराज घिमिरेको प्रमुख आतिथ्यमा हुन लागेको अधिबेशनका लागि यस अघिनै क्षेत्रीय अधिबेशन सकिएको जनसम्पर्क महामन्त्री प्रकाश वलीले बताए |
अधिबेशनलाई ब्यबस्थित गर्न सभापति नवराज शिवाकोटीको संयोजकत्वमा मूल आयोजक समिति गठन गरिएको छ भने डा. अग्निराज कोईरालाको संयोजकत्वमा प्रकाश धमला र लक्ष्मण भन्ताना सदस्य रहको विधान संशोधन समितिले पनि विधान सम्बन्धि संशोधित कार्य सकेर केन्द्रीय समिति बैठकबाट पारित विधानलाई अनुमोदनका लागि अधिबेशन हलमा लाने तयारी गरेको छ |
त्यसैगरी प्रकाश धमालाको संयोजकत्वमा अनिराज कोईराला, टंक बानिया,राजन श्रेष्ठ र जितेन्द्र उपाध्याय”जितू” सदस्य रहको निर्वाचन समितिले पनि निर्वाचन सम्बन्धि आवश्यक तयारी अन्तिम चरणमा पुगेको जनाएको छ ।
अधिवेशन प्रतिनिधि कृयाशिल छानबिन सभापति नवराज शिवाकोटीको सयोजकत्वमा महामन्त्री प्रकाश वली र अनुशासन विभाग प्रमुख लक्ष्मण भन्तानालाई दिइएको छ । भने प्रचारप्रसारको जिम्मा सह- महामन्त्री जीतेन्द्र महतलाई दिईएको छ |
अधिवेशनलाई अनुशासित पूर्वक सपन्न गर्न स्वयंसेवक परिचालनको जिम्मा हरि गौतमलाई दिईएको छ । त्यस्तै गरि हल व्यवस्थापनको जिम्मा कोषाध्यक्ष खर्क डांगी, केन्द्रीय सदस्य रामु कार्की, पूर्व पदाधिकारी गणेश तिमिल्सिना लगायतलाई दिईएको छ । अधिवेशनलाई सभ्य र भव्यरुपले सम्पन्न गर्न अतिथि स्वागत, सत्कार लगायत अन्य विभिन्न उप-समिति बनाईएको छ ।
अधिवेशनको सरगर्मी बढेसंगै सभापति नवराज शिवाकोटी लगायतका पदाधिकारीहरुले आसन्न सभापतिका प्रत्यासीहरुसंग सम्बाद थालेर सर्वसम्मतको नेतृत्व चयन गराउन पहल थालिएको बताईएको छ ।
अधिबेशन निम्न अनुसार हुनेछ :-
मिति – २२, नोभेम्बर , २०१५
स्थान- हेह्वास्थित ह्वासु ह्वेग्वान (तेसो महाधिवेशन भएको हल)
जाने तरिका-लाईन न. ४ ,ह्वेवा स्टेसन, गेट नं. ४ र ५ बाट सिधा हिडेर ५ मिनेट
समय- दिउँसो ठीक १२ बजे
