मेरो माइक्रो फाइनान्सको ६ लाख १२ हजार कित्ता साधारण शेयर मंसिरमा आउने
काठमाडाैं – साधारण शेयर निष्काशनको क्रम सुरु भएसंगै विभिन्न वित्तीय सस्था तथा कम्पनीको साधारण शेयर एकै पटक जस्तो गरेर निष्काशन हुन थालेका छन् । यस क्रममा मेरा माइक्रो फाइनान्सले मंसिर तेस्रो सातासम्मा सर्वसाधारणका लागि ६ लाख १२ हजार कित्ता साधारण शेयर निष्काशन गर्ने भएको छ |
कम्पनीको शेयर निष्काशन तथा बिक्रि प्रबन्धक ग्लोबल आईएमई क्यापिटल रहेको छ । क्यापीटलले दिएको जानकारी अनुसार धितोपत्र बोर्डबाट शेयर निश्कासन केही दिनमा हुनेछ ।
क्यापीटलका वरिष्ठ महाप्रबन्धक पारसमणि ढकालले मेरोलगानीसंग कुरा गर्दै मंसिर तेस्रो सातासम्मा साधारण शेयर निष्काशन भैसक्ने बताए ।
‘कम्पनीले इक्रा रेटिंग ४ पाइसकेको छ । रेटिंग पाए पछि बोर्डबाट केही दिनमा नै शेयर निष्काशनको अनुमती पाउने भएकाले अब हामी त्यसको पर्खाइमा छौं । यो हप्ता भित्रमा स्वीकृति पाए पछि आह्वान पत्रबाट अन्य प्रकृयालाई २ हप्ता समय लाग्दा हामी मंसिर तेस्रो सातासम्मा साधारण शेयर निष्काशन गर्छौं’ ढकालले भने ।
जलविद्युत लगानी तथा विकास कम्पनीको साधारण शेयर बाँटफाँट अगावै फाइनान्सको साधारण शेयर निष्काशन हुने भएकाले कतिपय लगानीकर्तालाई रकम व्यवस्थापनका लागि पनि सोच्नु पर्ने बनाएको छ ।
कम्पनीले सर्वसाधारणका लागि ६ करोड १२ लाख रुपैंया बराबरको साधारण शेयर निष्काशन गर्न लागेको हो । फाइनान्स विभिन्न ८ वटा वाणिज्य बैंकको प्रवद्र्धनमा सञ्चालनमा छ ।
