सुरिलो स्वरकी धनी सकुन
सोल- सकुन आङ्देम्बे कोरियामा हुने नेपाली सास्कृतिक स्टेजहरुमा नछुटने गयिकाको नाम हो । बिभिन्न खाले सास्कृतिक कार्यक्रमहरुमा उनको सुरिलो स्वरले कोरियामा रहेका नेपाली मुग्ध हुने गरेका छन् । रोजगारिका लागि यहा आउने नेपाली गायक, संगीतकारको सख्या दिनै बढ्दो छ । उनिहरु रोजगारी गर्दै नेपाली गीत संगीतलाई समृद्ध अभियानमा लागेका हुन्छन् । यस्तै अभियानमा लागेकी गायिका हुन् गायिका हुन् सकुन ।
सानैदेखि गीत गाउन शुरु गरेकी सकुनले आमा र माइली दिदि शन्तिलालाई आनो गायनको प्रेरणा श्रोत मानेकी छिन । अरुणा लामा तारादेबी र नारायण गोपालका गीतहरु खुब गुन्गुनाएकी उनलाई आमाले जज गर्ने गर्थिन र अझ प्रेरणा दिने गर्थिन् । बाल्यकालको ती क्षण सम्झिन्दै उनले भनिन् “मेरो पहिलो दर्शक श्रोता र प्रेरणा आमा नै हुन् ।’
सकुनको माइली दिदी शन्तिला पनि मधुर स्वरकी धनी हुन् तर उनको प्रतिभाले नेपाली गायन क्षेत्रमा स्थान पाउन सकेन । उनको स्वर घांस दौरा चुलो चौको मै रह्यो । चल्तीका गायिकाहरु जतिनै मिठास स्वर भएको दिदीले गायिकाको स्थान र मान्यता पाउन नसकेपछि आफु गायिका बन्नुपर्छ भन्ने सकुनले अठोट लीईन् ।
पांचथर नवमीडााडामा जन्मिएकी सकुनले स्टेजहरुमा २०६३ सालदेखि गाउन थालेकी हुन् । लिम्बु र नेपाली गीत बराबरी गाएकी उनले हालसम्म दर्जनौं गीत गाइसकेकी छिन् । सकुनको पहिलो एल्बम “स्नेह’ को नेपाली संगीतिक बजारमा छुुट्टै स्थान रहेको छ । ६ वटा गीतको संग्रह रहेको स्नेहले राम्रै बजार पाएको उनको दाबी छ । उनि अहिले तीनै गीतहरुको म्युजिक भिडियो बनाउन ब्यस्त छिन् । उनले हालै मात्र त्यसै एल्बमको “यो पिरतीमा’ भिडियो छायांकन पुरा गरेकी छिन् । कोरिया र नेपालमा छायांकन गरिएको यसमा केकी नायिका केकी अधिकारी मोडेलको भुमिकामा छन् । यसपछि ‘कसरि तिम्रो समुन्ने आउ’ को छायायंकन गर्ने तयारीमा छन् भने अन्य दुई गीतको पनि भिडियो बनाउने योजना बनाएकी छिन् ।
सुरिलो र लोभ लाग्दो स्वर भएकैले गीतको अफर आउने गरेको छ । म्युजिक भिडियोको कामसंगै उनि यो अफरलाई सदुपयोग गर्ने विचारमा छिन् साथै राजेश पायल राईसंग मिलेर पूर्वेली लोकदोहोरी संग्रह निकाल्ने तयारी गरेकी छिन् । यसका लागि उनले राईसंग समय लीईसकेकी छिन् ।
सकुन कुशल नृत्यकार पनि हुन् । उनले फिदिम र काठमाडौं यस सम्बन्धी प्रशिक्षण पनि लिएकी छिन् भने बिभिन्न स्टेजहरुमा आफ्नो नृत्य प्रदर्शन गरेकी छिन् । नृत्यलाई निरन्तरता दिन नसके पनि नेपाल फर्केर नृत्य सिक्न चाहनेहरुलाई निशुल्क प्रशिक्षण दिने उनको भावी योजना छ ।
गायन र नृत्यको अलावा समाज सेवा गर्ने सकुनको अर्को शोख हो । कोरियामा आएर दुख पीडामा परेका नेपालीहरुलाई उनि दिल खोलेर सहयोग गर्छिन् । ख्यंगीदो ओसानमा रहेको एक फूलबारीमा केहि दिनअघि भेटिएकी सकुनले लिम्बु लय मै भनिन् ‘मरी लानु के छ र हौ, सकेको सहयोग गर्ने हो, बाचुन्जेल गाउनु, नाच्नु र हास्नु त हो नि ।’
