मगर संघ ए ले जित्यो पाँचौ माइग्रेन्ट रनिङ भलिबल प्रतियोगिताको उपाधि
अशोक पोख्रेल
किम्हे, दुईदिनदेखि लगातार परिरहेको मनसुन वर्षाको पर्वाह नगरी आइतबार दक्षिण कोरियाको किम्हे शहरमा आयोजना गरिएको पाँचौ माइग्रेन्ट रनिङ भलिबल प्रतियोगिता हेर्न दर्शकको घुँइचो लागेको थियो । पानी परेकोले निर्धारित समय भन्दा ढिलो सुरु भए पनि खेलाडिहरुको रोमाञ्चक र उत्साहजनक खेलले उपस्थित दर्शकलाईभरपुर मनोरञ्जन प्रदान गरेको थियो ।
गुसानदोङ किम्हे खेल मैदानको कवर्ड हलमा सम्पन्न खेलमा मगर संघ ए दक्षिण कोरियाले १२ समुहलाई पछि पार्दै पहिलो उपाधि जित्न सफल भएको छ । किम्हे माइग्रेण्ट खेलकुद समितिले आयोजना गरेको उक्त प्रतियोगितामा ११ नेपाली टिमका साथै २ वटा इण्डोनेसियन टिम गरि १३ वटा भलिबल टिमको रोमाञ्चक प्रतिस्प्रधा भएको थियो। यी १३ वटा टिमहरू मध्येबाट इण्डोनेसिया छाङवन, मगर संघ वि, कालिगण्डकी, गजेदो वि, गजेदो ए, मगर संघ ए, आयोजक टिम किम्हे वि र कोरिया पत्रकारहरूको टिम परदेशी लाइफ क्वाटरफाइनल र फाइनलमा पुग्न सफल भएका थिए।
त्यस्तै गरेर मगर संघ ए,इण्डोनेसीया छाङवन, गजेदो वि र आयोजक किम्हे वि सेमिफाइनलमा पुगेका थिए भने गजेदो वि र मगर संघ ए को फाइनलमा प्रतिस्प्रधा भएको थियो। फाइनल खेल बेष्टअफ पाँचको गरिएको मा सरासर तिन खेल जित्दै मगर संघ ए ले उपाधी आफ्नो पोल्टामा पारेको थियो। कोरियन रेफ्रिहरूको निर्णयको आधारमा मगर संघ ए का चिनु छन्त्याल उत्कृस्ट खेलाडी बन्दै ,प्रतियोगिताको उत्कृष्ट खेलाडीको पुरस्कार १ लाख वन पनि हातापार्न सफल भए।
प्रतियोगिताको पहिलो बन्दै, मगर संघ ए र दोस्रो बन्दै गजेदो वि ले कप तथा प्रसंसा पत्र सहित क्रमश: ८ लाख वन र ६ लाख वनको पुरस्कार राशी लिन सफल बने। खेलाडीको जोस अनि दर्शकको तालि र हुटिङले गुञ्जायमान उक्त कवर्डहलमा मगरहरूको हुर्रे नाचले माहोल नै अर्कै बनाएको थियो।
यही दिन किम्हे माईग्रेण्ट हाउसको दोस्रो साधारण सभा पनी सम्पन्न गरी आर्थिक आय- ब्ययको मुल्याङकन गर्दै सार्वजनिक गरिएको थियो। यस प्रतियोगितालाइ सबैतिरबाट निकै चासो र महत्वपुर्णका साथ हेरिएको पनि पाइएको छ।
