बाबु साईलाको बग्ने आँशु नोभेम्बर १ मा
सोल –दक्षिण कोरियामा रोजगारको सिलसिलामा सन २०१३ मा ईपिएस रोजगार प्रणालीमार्फत आएका युवापुस्ताका चर्चित कलाकार बाबु साईलाको शब्द रचना रहेको सांगीतिक एल्बम बग्ने आँशुमा समेटिएको बग्ने आँशुमा बोलको म्युजिक भिडियो सार्वजनिक हुने भएको छ ।
गीतकार बाबु साईलाका अनुसार सो म्युजिक भिडियोको सार्वजनिक कोरियाका विभिन्न संघसंस्थाका विशिष्ट व्यक्तित्वहरुको उपस्थितीमा हुनेछ ।दक्षिण कोरियाको राजधानी सोलको तुंदेमुनस्थित रहेको लक्ष्मी रेष्टुरेण्टमा यही नोभेम्बर १ तारिखमा सार्वजनिक हुने भएको हो ।
बग्ने आँशु एल्बममा समेटिएको ४वटा गीतहरु मध्ये गजल शैंलीको यो गीत सार्वजनिक भएसंगैं कलाकार बाबुसाईला गीतकारको रुपमा चिनिने भएका छन् ।ललितकला क्याम्पसबाट कलामा स्नातक गरेका बाबु साईला मानवीय संवेदनालाई चित्रमार्फत उत्तार्न सक्ने खुबी भएका कारण कोरिया जापान लगायत विदेशी भुमिका नेपाली कामदार माझ लोकप्रिय रहेका छन् ।यो एल्बममा रहेका ४ वटा गीत मध्ये अरु गीतहरु फास्ट बीटका युवा पुस्ताले रुचाउने खालको भएको रचनाकार साईला दाबी गर्छन् ।
यो गीतले श्रोता,दर्शकको मन जित्नेमा पनि उनी ढुक्क छन् । कोरियामा पछिल्लो समय च्याउ उम्रेसरी म्युजिक भिडियोहरु बजारमा बाहिर आएपनि यो भिडियोमा गुणस्तरीयता रहेको छ ।
रंगका साथैं शब्दसंग पनि खेल्न माहिर कविको रुपमा समेत स्थापित भर्सटाईल कलाकार बाबु साईलाको यो म्युजिक भिडियोमा जसु याख्खा र स्वस्तिमा खडकाले अभिनय गरेका छन् भने अर्जुन तिवारीको छायांकन र लक्ष्मण पौंडयालको निर्देशनमा बनेको हो भने पछिल्लो समय चर्चित गायक राज सिग्देलको स्वर हरि लम्साल र राज सिग्देलको संयुक्त संगीत रहेको छ ।
मिति : २०१५,नोभेम्बर १
समय :बिहान ११ बजे
स्थान : लक्ष्मी रेष्टुरेण्ट तुंगदेमुन
