गायक सरोज अधिकारीको ‘मुटु फिर्ता दिएर जाउ ‘सार्वजनिक
सोल –गायक सरोज अधिकारीद्वारा स्वरबद्ध ‘मुटु फिर्ता दिएर जाउ ‘बोलको गीतको भिडियो सहित सार्वजनिक भएको छ । गीतलार्इ दिपक कुमार शर्माले लेखेका हुन भने संगीत रमेश संग्रौलाले गरेका हुन् ।
गीतकार शर्माको शव्द र संगीतकार संग्रौलाकै कम्पोजिसनमा निकट भविष्यमै अरु ३ वटा गीतहरु रेकोर्डको तयारीमा रहेको बताउने गायक अधिकारीले यस अघि पनि केहि भोजपुरी चलचित्रहरुमा आफ्नो सुरिलो स्वर दिइसकेका छन् ।
सागर अर्याल , सुयना सत्याल र सुरेन शेन ठकुरीको अभिनय रहेको यो भिडियोलार्इ संगीतकार तथा भिडियो निर्देशक संग्रौला आफैले निर्देशन तथा सम्पादन गरेका हुन् ।मोडेल अर्यालले यस अधि पनि थुप्रै भिडियोहरुमा आफ्नो अभिनय कला देखाइसकेका छन् भने मोडेल सत्याल र मोडेल ठकुरीले यसै भिडियोबाट अभिनयको क्षेत्रमा डेब्यु गरेका हुन् ।
नेपाली म्युजिक भिडियो प्रा.लि.को पर्दामा निर्मित यस भिडियोलाइ नरेन श्रेष्ठले खिचेका हुन ।
