गर्भवती महिलाले किन मादकपदार्थ सेवन गर्न हुदैंन ?
सोल -गर्भवती महिलाले पटक्कैं मादकपदार्थ सेवन गर्न नहुने एक खोज अनुसन्धानबाट पत्ता लागेको छ ।अमेरिका स्थित रहेको टेक्सास विश्वविधालय र अमेरिकन एकेडेमीका डाक्टरहरुले अल्कोहल सेवन नगर्न गर्भवती महिलाहरुलाई चेतावनी दिएका छन् ।थोरैं मात्रको मादक पदार्थ सेवनले पनि पेटको रहेको बच्चालाई प्रत्यक्ष असर गर्ने बताएका छन् ।
सोमबार अध्ययन सार्वजनिक गर्दै ती दुई औंषधी विज्ञान अध्ययन शाखाले भनेका छन् गर्भवती महिलाले मादकपदार्थ सेवन गरेको जन्मिने बच्चाको आनीबानी,संझन सक्ने क्षमता,भाषिक ज्ञान,दृश्यावलोकन लगायत मानसिक क्षमतामा समेत असर पर्ने उल्लेख छ ।उनीहरुले कुनैं पनि प्रकारको मादकपदार्थ सेवन नगर्न सुझाएका छन् ।
अध्ययनकर्ताहरु भन्छन्,गर्भ रहेको अवस्थामा मादकपदार्थको उपभोग गर्नाले ती महिलाको बच्चा मादकपदार्थ सेवन नगर्नेको भन्दा १२ गुणा बढीले असुरक्षीत हुन्छ ।
