दुई कोरियाका परिवार एकआपस भेट हुँदा आँशुमा लतपतिए
सोल -आफनो परिवार जोसंग बर्षौदेखि छुट्टिएर टाढा बस्नु पर्दा कस्तो अनुभव होला । संझिदा पनि मन जिरिंग हुन्छ ।लामो समयको अन्तरालपछि माया मारेका आफन्तजनको मुहार देख्न पाउदा शायद आँशु नखसाउने मानिस नहोला ।
यस्तैं भएको छ उत्तर कोरिया र दक्षिण कोरियाका आफन्तहरु एक अर्कालाई भेटन पाउदा ।यो दुई कोरियामा छुटेर रहेका आफन्तजनसंगको पुर्नमिलनको दृश्य मंगलबारको हो ।
‘बाबा म तपाईको छोरो हुँ । ‘दक्षिण कोरियाका ६५ बर्षीय नागरिक चे हि यांगले ८८ बर्षीय चे हुँ सिकलाई अंगालोमा बाधेर भन्दैं थिए ।दुवैं जनाको आंखाबाट आँशुको बलिन्द्र धारा बगीरहेको थियो ।बाबु छोराको यो भेट ६५ बर्षपछि भएको हो ।यो बीचमा कहिले पनि एक आपसमा बाबु छोराबीच फोन गरागर भएको थिएन किन कि ईमेल प्रदान गर्ने मात्र अनुमति उत्तर कोरियाले अनुमति दिएको थियो ।सन १९५० देखि ५३ बीचको कोरिया प्रायद्धीपमा भएको युद्धले कयौं कोरियन परिवारहरु छुट्टिएका थिए ।
ती सयौं कोरियन मध्येका भाग्यमानी थिए ती दुई कोरियन ।अघिल्लो दिन ९६ परिवारका ३ सय ८९ जना दक्षिण कोरियन नागरिक १ सय ४१ जना उत्तर कोरियन नागरिकलाई भेटन १६ वटा बसमा उत्तर कोरियाको पुर्वी क्षेत्रमा गएका थिए ।त्यहां पुगेका दक्षिण कोरियनहरुलाई आफनो आफन्तसंग १२ घण्टासम्म संगैं रहन दिएको थियो । उत्तर गएको दक्षिणका नागरिकलाई सिमा क्षेत्रमा १ घण्टासम्म सुरक्षा जांच गरेको थियो ।हराएका आफन्तलाई भेटने मौंका दुईकोरियाले उत्तरकोरियाको माउन्ट कुंगमांग पुर्वी तटमा गराएको थियो ।
अर्का चरणको पुर्नमिलन यो शनिबार देखि सोमबारसम्म २ सय ५० जना दक्षिणका ९० जना उत्तर कोरियामा रहेका आफन्तलाई भेटन पाउने भएका छन् ।करिब १ लाख ३० हजार दक्षिण कोरियन नागरिकले आफनो आफन्त उत्तर कोरियामा रहेको सरकारमा दर्ता गरेको तथ्यांकमा उल्लेख छ ।आधा भन्दा बढीको मृत्यु भैसकेको छ भने ६६ हजार परिवारका सदस्यहरु पर्खाइमा रहेका छन् ।
हालसम्म ७ पटक भिडियोबाट दुई कोरियाका परिवारबीच पुर्नमिलन गराइएको थियो।
