भ्यु अफ नेपालिज ग्रुप गुन्सान ले बार्षिक साधरण सभा र दशै शुभकामना कार्यक्रम गर्ने
नेत्र पौडेल-दक्षिण कोरिया-दक्षिण कोरियाको गुन्सान शहर स्थित नेपालीहरुको समूह भ्यु अफ नेपालिज ग्रुप, गुन्सान ले बार्षिक साधरण सभा गरि नयाँ कार्यसमिती चयन र दशै शुभकामना आदन प्रदान कार्यक्रम यहि १८ तारिक आइतबार गर्ने भएकोछ।
प्रवासमा विभिन्न समस्यहरु आइपर्दा एक आपसमा सहयोग गर्न सजिलो को लागि नेपालिहरुलाई एकता गराउने उदेश्यले बिगत ३ बर्ष अगाडि खोलिएको उक्त संस्थाको समितिमा बर्तमान अध्याक्ष उमेश राई रहेका छन।
समितिको १ वर्षको कार्यकाल रहेता पनि अन्या साथी भाईहरुले यस संस्थाको कार्यसमितिमा बसि काम गर्न इछा देखाएको र आफू कार्यस्थल परिवर्तनको क्रममा टाढा भएको कारण आफ्नो जिम्मेवारी पूरा गर्न नसकेकोले कार्यकाल पूरा हुन २ महिना अगाबै साधरण सभा गर्न लागेको कुरा संस्थाका अध्यक्षले बताएका छन। उक्त दिन गुन्सान एरियामा रहेका समुर्ण नेपाली दाजु भाइ उपस्थित भै कार्यक्रम सफल बनाई दिनु हुन अध्यक्ष ले हार्दिक अनुरोध गरेका छन।
मिति: १८, अक्टोबर, २०१५
समय: ठिक ११ बजे।
स्थान: ओसिक्दो माईग्रेण्ट सेन्टेर।
