के दुई कोरियाको परिवारबीच पुर्नमिलन होला त ?
सोल -दक्षिण कोरिया र उत्तर कोरियाले दुई कोरियाबीच युद्धताका छुटिट्एको परिवारका आफन्तहरुको नाम साटासाट गरेको छ । बिहिबार अन्तिम नामावली एक अर्कासंग साटासाट गरेको पुर्नमिलन मन्त्रालयका एक मन्त्रीले बताए ।सन १९५० ५३ मा भएको दुई कोरियाबीचको युद्धको चपेटामा परी एउटैं परिवारका सदस्यहरु दुई कोरियामा विभाजित भए यता भेटन समेत पाएका छैंनन् ।
दक्षिण कोरियाको रेडक्रस सोसाईटीले ९० जनाको नामावली उत्तरकोरियालाई बुझाएको छ भने उत्तर कोरियाले भने ९७ जनाको नामावली दक्षिण कोरियालाई बुझाएको छ ।गत महिना उत्तर र दक्षिणकोरियाबीच छुटेका १ सय जना परिवारलाई पुर्नमिलन गराईने संझौंता गरेको थियो ।सो संझौंता अनुसार अक्टोबर २० देखि २६ सम्म माउन्ट कुमगांगमा पुर्नमिलन गराईनेछ ।उक्त पुर्नमिलन कार्यक्रममा जीवित रहेका मध्येका ८० बर्ष उमेर समुहका करिब १००का हाराहारीमा पुर्नमिलन गराईने कुरा छ ।
कोरियन युद्धपछि करिब ६६ हजार दक्षिण कोरियन नागरिकहरु आफन्तजनबाट टाढा रहेका छन् ।१ लाख २९ हजार ७ सय जना दक्षिण कोरियन नागरिकहरु जो उत्तर कोरियामा आफना आफन्त रहेका छन् तिनीहरुको मृत्यु भैंसकेको छ ।
दुई कोरियामा रहेका आफन्तसंगको पुर्नमिलनको आशामा रहेका कोरियाली नागरिकहरु उत्तर कोरियाले वर्कस पार्टीको ७० औं बार्षिकत्सवको अवसरमा रकेट प्रक्षेपणको तयारीमा रहेको बताइरहेको बेला आशंका उत्पन्न भएको छ ।
