कोरियामा नम्रता सम्मनित
सोल-नेपाल सिने जगतकि चर्चित नायिका नम्रता श्रेष्ठ कोरियामा सम्मानित भएकि छिन । कोरियाली पर्व छुसक तथा शुभ विजया दशमी २०७२ को उपलक्ष्यमा आयोजित एक कार्यक्रममा श्रेष्ठलाई नेवाः पुचः कोरियाले सम्मान गरेको हो |
उनलाई नेपाली कलाकारीतामा उत्कृष्ट अभिनय गरेर योगदान पुर्याएको भन्दै पुचका अध्यक्ष कृष्ण मुश्यान लगायत अन्य पदाधिकारी द्वारा दोसल्लाका साथमा सस्थाको तर्फबाट सम्झन्नाको कोशेली प्रदान गरेका हुन् |
नायिका श्रेष्ठले आफु विदेशी भुमिमा पनि नेपाली संस्थाबाट सम्मानित हुन पाएकोमा धेरै खुशी व्यक्त गर्दै आयोजक संस्था प्रती धन्यवाद ब्यक्त गरेकी थिइन् ।
इन्छनस्थित अन्नपूर्ण रेस्टुरेन्टमा आयोजित सो नेवारी भोजमा म्याग्दी समाज समितिका अध्यक्ष मुक्ती के सी, झापा मिलन समाज समितिका अध्यक्ष सन्तोष श्रेष्ठ, वीमन फर वीमनका अध्यक्ष मल्लिका श्रेष्ठ थकाली, सिन्धु समाजका अध्यक्ष एल बी श्रेष्ठ लगायता कोरियाका बिभिन्न शहरबाट कारीब ८० जनाको सङ्ख्यामा उपस्थिति रहेको भोज ब्यबस्थापन संयोजक रमेश श्रेष्ठले जानकारी दिए ।
