कर्म ब्याण्डले ततायो कोरियाबसीलाई
सोल – कोरियामा पहिलो पटक आईपुगेका कर्म ब्याण्डले आईतबार कोरियामा रहेका नेपालीहरुलाई तताएका छन् ।
तमु धीँ दक्षिण कोरियाले ‘तमु हाउस सेल्टर ब्यवस्थापन तथा प्राकृतिक प्रकोप रहात कोष’ स्थापनार्थ आयोजना गरेको ‘रोधी सांगीतिक सौगात भाग–३’ मा कर्म ब्याण्डले दर्शकलाई मन्त्रमुग्ध पारेका हुन् ।
ब्याण्डको लोकप्रिय गीत ‘हुँक मेरो डल्ली डल्ली’ बाट आफ्नो प्रस्तुती सुरु गरेका ब्याण्डका टिमले यानी माया, तिम्रो मौनतामा, मा¥यो जिउँदै मा¥यो, को हौ तिमी, सुपारी दाना, कलिलो तामालाई लगायतका १ दर्जन गीत गाएर मनोरञ्जन दिएका थिए ।
निर्धारित समय भन्दा झण्डै २ घण्टा ढिला सुरु भएको कार्यक्रममा कर्म ब्याण्डले साँझ साढे ६ बजे मात्रै स्टेज भाएको थियो ।
साँझपाख सटेजमा उत्रिएको ब्याण्डलाई दर्शकले वान्स मोर भनेपछि आफ्नो चर्चीत गीत ‘कहाँ होला घरबार’ दोहो¥याएर गाएका थिए ।
बिशेषगरी युवा पिँढीको बाक्लो उपस्थिती रहेको कन्सर्टमा ब्याण्डको प्रस्ुतुतीमा युवाहरुले स्टेज अगाडी नै बि–ब्वइङ् डान्स गरेर साथ दिएका थिए ।
कन्सर्ट सकेपश्चात ब्याण्डका मुख्य भोकलिष्ट सुरेन्द्रमानसिंले कार्यक्रम ढिला सुरु भएको पनि दर्शकको भरपुर साथ पाएको प्रतिक्रिया दिए ।
सांगीतिक सौगात भाग–३, मा सुगम संगीतका पारखीहरुलाई चर्चीत भर्सटाईल गायिका अन्जु पन्तले तिर्खा लाग्यो पानी खाए, नबिर्से तिमीलाई लगायतका आधादर्जन
गीत गाएर मनोरञ्जन दिलाएका थिए ।
लोकदोहोरी पाराखीहरुलाई चर्चीत लोकदोहोरी गायिका कृष्ण गुरुङ्ले स्टेजमै नचाएका थिए । गायिका गुरुङ्ले एकादशी बजारमा, एक एक जोडे दुई हुन्छ, दामी देखिन्छ, सालैजो लगायतका आधा दर्जन गीत गाएकी थिईन् ।
सो अवसरमा स्थानीय कलाकारहरुले कौडा, कन्टेम्पोरी लगायतका नाचहरु प्रस्तुत गरेका थिए ।
कार्यक्रमको औपचारिक उद्घाटन कोरियाका लागि श्रम सहचारी अनिल गुरुङ्ले पानसमा दियो बालेर उद्घाटन गरेका थिए ।
सो अवसरमा याक्सासा गुम्बाका लामा देउसोन्निम, नेपाल आदिवासी जनजाति महासंघ अध्यक्ष चित्र मुक्तान, नेपाली सम्पर्क समितिका कार्यबहाक अध्यक्ष अन्जु केसी, एनआरएन कोरियाका निवर्तमान उपाध्यक्ष रबिन तामाङ्, बौद्ध परिवार कोरियाका अध्यक्ष ईश्वर गुरुङ्, वमन फर वमनका उपाध्यक्ष गौरी बोगटी लगायतले कार्यक्रम सफलताको शुभकामना व्यक्त गरेका थिए ।
सुरज गुरुङ्को अध्यक्षतामा भएको औपचारिक कार्यक्रको सञ्चालन महासचिव प्रितम गुरुङ्ले गरेका थिए भने स्वागत मन्तव्य उपाध्यक्ष भिम गुरुङ्ले दिएका थिए ।
औपचारिक कार्यक्रम पछिको सांगीतिक कायृक्रमको सञ्चालन भने गुप्त गुरुङ्, लेशन गुरुङ्, आरती गुरुङ्, बिशाल गुरुङ् र धन गुरुङ्ले सञ्चालन गरेका थिए ।
