कोरियामा संबिधानप्रति कतै दिपावली, कतै बिरोध
लिलु डुम्रे
सोल-संबिधान सभाबाट आइतबार जारी संबिधानप्रति कोरियाबासी नेपालीहरुले खुसि व्यक्त गरेका छन् । आइतबार साझ नेपालमा राष्ट्रपतिबाट संबिधान जारीसंगै सोलस्थित नेपाल हाउसमा एक कार्यक्रम आयोजना गरि दिप प्रज्वलन गरिएको छ ।
उपस्थित नेपालीहरुले एक आपसमा खुसि बाडी संबिधानको स्वागत गरेका थिए । कोरियाका लागि नेपाली राजदुत कमानसिंह लामा ,उपनियोग प्रमुख किरण शाक्य ,श्रम सहचारी अनिल गुरुङ , नेपाली संघसस्थाका पदाधिकारीहरु ,व्यवसायी तथा इपिएस मार्फत कोरिया आएका नेपालीहरु दिप प्रज्वलनमा सहभागी थिए ।
कार्यक्रमका राजदुत कमानसिंह लामा र मुख्य तिन दलका कोरियास्थित भगिनी सस्थाका अध्यक्षहरु नेपाली जन सम्पर्क समितिका सभापति नवराज सिवाकोटी, नेपाली प्रवासी मञ्चका गोविन्द गाउँले र नेपाली जनअधिकार मञ्चका अध्यक्ष सागर न्यौपानेले नयाँ संविधानको स्वागतमा आफ्ना धारणा राखेका थिए ।
कोरियामा रहेका नेपालीहरुले जारी संबिधानले आर्थिक प्रगती तर्फ मुलुक अगाडी बढ्नेमा आशावादी देखिएका छन् । जारी संबिधानलाई असन्तुष्टि रहेका दलहरुले पनि स्वामित्व लिने गरि संसोधन मार्फत जायज माग पुरा गर्न सुझाव दिएका छन् ।
एनआरएन कोरियाका पुर्व अध्यक्ष केपी सिटौला जारी संबिधान ऐतिहासिक रहेको बताउदै स्थायी सरकारको र आर्थिक विकासको बाटो खुल्नेमा आशावादी देखिए । ग्वान्ग्जु युनिभर्सिटीका प्राध्यापक डा ठाकुर सुबेदीले अब आर्थिक विकासमा औपचारिक रुपमै अघि बढ्न सहज भएको धारणा राखे । राजनैतिक स्थायित्व नभएका मुलुकहरुको पनि आर्थिक गति राम्रो भएको तर हाम्रो सोचाई परिवर्तन र जिम्मेवारी महसुश गर्नु मुख्य हो उनले भने ।
जनसम्पर्क समिति कोरियाका अध्यक्ष नवराज सिवाकोटीले संबिधान जलाउनेको पनि जायज माग संसोधन मार्फत पुरा गरि उनिहरुले पनि आगामी दिनमा संबिधान ग्रहण गर्ने वातावारण बनाउनु पर्नेमा जोड दिए ।
नेपाली प्रवासी मञ्चका अध्यक्ष गोविन्द गाउँले देशमा पर्याप्त रोजगारीको सिर्जनाले युबाहरु दिनानुदिन प्रबासिनु नपर्ने आशा राख्दै प्रबासमा भएका नेपाली युबाहरुले आर्जन गरेको शिप र पुजिलाइ नेपालको बिकासमा योगदान पुर्याउने अवस्था सिर्जना हुनेमा बिस्वस्त देखिए ।
जनजाती महासंघ कोरियाले संबिधान प्रति असन्तुस्टी जनाएको छ । कोरिया शाखाका अध्यक्ष चित्र मोक्तानले समानुपातिक र समाबेसीमा अन्तरिम संबिधान भन्दा पछि हटेको भन्दै जारी संबिधानप्रति बिरोध जनाए ।
