रोधीँ सांगीतिक सौगातको तयारी अन्तिममा चरणमा
धन गुरुङ
सोल-तमु धीँ कोरियाको आयोजनामा हुन लागेको रोधीँ सांगीतिक सौगात भाग ३ कर्मा ब्याण्ड लाइभ कन्सर्ट इन कोरिया साँस्कृतिक कार्यक्रमको तयारी अन्तिम चरणमा पुगेको छ । कोरियनहरुको महान चाड छुसकको अवसर परेर आयोजना गर्न लागेको उक्त कार्यक्रम सेप्टेम्बर २७ छुसकको दिन हुँदैछ ।
कार्यक्रमको तयारी लगभग अन्तिम चरणमा पुगेको छ । कार्यक्रमको प्रचारप्रसारको काम अहिले तिव्र रुपमा भैरहेको छ । नेपालीहरुको बहुल्य रहेको शहरहरुमा पनि पोस्टरिङ गर्ने काम सबै सप्पन्न भैसकेको छ । अब हामी मुख्य दिनको कार्यक्रमको लागि केन्द्रित हुन्छौं तमु धीँका अध्यक्ष सुरज तमुले फोनिज कोरिया डटकमसंगको कुराकानीमा जानकारी दिए ।
कार्यक्रममा कोरियाको इतिहासमै पहिलोपटक आफ्नो लाइभ कन्सर्ट दिन लागेका नेपालको बहुचर्चित ब्याण्ड कर्मा, सुगम संगीतमा एकछत्र राज गर्न सफल चर्चित भर्सटाइल गायिका अन्जु पन्त र लोकदोहोरी क्षेत्रमा अहिले निकै चर्चामा रहन सफल गायिका कृष्णा गुरुङ्को बिशेष प्रस्तुति रहने छ ।
कार्यक्रमको तयारीको बारेमा जानकारी दिने हेतुले सेप्टेम्बर २० मा बृहत छलफल कार्यक्रमको आयोजना गरिएको छ । कार्यक्रमको अन्तिम तयारी र अरु विविध विषयमा छलफल गर्नु पार्ने भएकोले सम्पुर्ण कोरियामा रहनु भएका तमु बुद्धिजीवी, ब्यापारी , बिद्यार्थी र दाजुभाई, दिदिबहिनीहरुमा निम्न स्थान, मिति र समयमा उपस्थितिको लागि हार्दिक अनुरोध गर्दछौँ तमु धीँले जारी गरेको सुचनामा भनिएको छ ।
स्थानः याक्सु छङ्गसोन्यान सुयोन ग्वान दोश्रो तल्ला
कोठा नं. २०४
मितिः २०१५ सेप्टेम्बर २०
समयः दिनको ठिक १२ बजे
