आयो रमाईलो छुसक, दर्जन कलाकारले कोरिया तताउने
सोल – कोरियनहरुको महान चाड छुसकको लामो बिदामा कोरियामा रहेका नेपालीहरुले गठन गरेका विभिन्न संघ संस्थाले बिबिध उदेश्य राखेर आयोजना गरिएका सास्कृतिक कार्यक्रममा नेपालबाट दर्जन भन्दा बदि नेपाली कलाकार कोरिया आउने भएका छन् |
छुसकको पहिलो दिन म्याग्दी समाज समिति कोरियाले कोरियामा आपतकालिन अक्षय कोष स्थापनार्थ र म्याग्देलीको स्वास्थ्य सुधार सहित आवश्यक पुर्वाधार जुटाउने उद्देश्यले स्थापना गरिएको कोष थप मजबुद बनाउनको निम्ति आयोजना गर्न लागेको ‘म्याग्देली म्युजिकल शो ” नामक कार्यक्रममा नायिक नम्रता श्रेष्ठ, हास्यंब्यङ्ग कलाकार मनोज गजुरेल, लोकदोहोरी गायक पशुपती शर्मा, लोकदोहोरी गायिका ज्योती मगर, पप गायक नरेन लिम्बु, म्याग्दीका सम्बोज मल्ल, लोक गायक गगन पुन र हास्यब्यङ्ग प्रदिप कार्की आफ्नो प्रस्तुति दिनेछन |
छुसकको दोस्रो दिन गोर्खा परिवार कोरियाले भुकम्प पीडित बालबालिकाहरुको शिक्षाको लागि ” मनास्लु सांगीतिक सौगात भाग-२ ,मन्त्र लाईभ कन्सर्ट ईन कोरिया” नामक कार्यक्रम आयोजना गर्न लागेको छ | उक्त कार्यक्रममा चर्चित दार्जलिङगे ब्याण्ड ”मन्त्र ” र लोक दोहोरी गायक , गायिका दीपसागर थापा मगर र राधिका हमाल पुनले जोडदार प्रस्तुति दिने छन् |
सोहि दिन तमु धीँ कोरियाले तमु हाउस व्यवस्थापन र प्राकृतिक प्रकोपमा परेकाको सहयोगार्थ ” रोधीँ सांगीतिक सौगात भाग ३”, कर्मा ब्याण्ड लाइभ इन कोरिया नामक कार्यक्रम गर्ने भएको छ | कार्यक्रममा कर्मा ब्याण्डसंगै सुगम संगीतकी चर्चित गायिका अन्जु पन्त र लोक गायिका कृष्णा गुरुङले कोरियाबासी नेपालीलाई भरपुर मनोरन्जन प्रदान गर्ने छन् |
त्यसै गरि सोहि दिन एभरेष्ट एफसी परिवार कोरियाले ‘एभरेष्ट एफसी परिवारको अभियान भुकम्प पिडित बाल बालिकाहरु को शिक्षामा योगदान’ भन्ने मुल नाराका साथ ‘साउण्ड अफ समर’ नामक कार्यक्रम गर्दै छ | कार्यक्रममा मङ्गोलियन हर्ट ब्यान्डका गायक राजु लामा,अमर तन्डुकार , नृत्यङ्गना पार्बती राई गायिका तृष्णा गुरुङ साथै अहिले एक्दमै चर्चाको सिखरमा रहेको कमेडीयन भद्रगोल टिमका जिग्री र पाँडे ( कुमार कट्टेल र अर्जुन घिमिरे) ले दमदार प्रस्तुति दिने छन ।
