एनआरएन कोरियाको अध्यक्षमा रबिन उठ्दै
सोल-एनआरएन कोरियाका आसन्न पाँचौ राष्ट्रिय अधिबेशनमा रबिन तामाङ अध्यक्ष पदमा उठने भएका छन् l उनि वर्तमान कार्य समितिका उपाध्यक्ष हुन् |
अध्यक्ष पदका दावेदार तामाङले केहि भावी योजनाहरु अघि सारेका छन् | कोरियामा बढ्दै गएको आत्महत्या र औधोगिक दुर्घटना, नेपालबाट बिबाह भिषामा कोरिया आएका नेपाली चेलीबेटीहरुको समस्याहरुलाई सम्बोधन गर्ने उनको योजना छ |
कोरियामा रहेका नेपालीहरुले आर्जन गरेको सीप, पुजी र क्षमतालाई नेपालको बिकाश निर्माणमा लगाउन सरकारसंग हातेमालो गर्ने उनको अर्को प्रमुख योजना हो l यसअघिका कार्य समितिहरुको काम कारबाहीलाई नजिकबाट मुल्यांकन गरेका तामाङले कोरियामा रहेका नेपाली समुदायको समस्याहरु नजिकैबाट पहिचान गरिसकेको बताएका छन् | त्यहि अनुभवका आधारमा काम गर्न र समस्याहरु समाधान गर्न सहज हुने उनको दावी छ |
बिगत २५ बर्ष देखी कोरियामा रहदै आएका उनि बिभिन्न सामाजिक संघ संस्थामा आबद्ध भएर सेवा गर्दै आएका छन् | हाल आधा दर्जन भन्दा बढी संघ संस्थाको सल्लाहकार रहेका तामाङसंग २००८ देखी २०१० सम्म केबिजमा काम गरेको अनुभव छ l
यो अवधिमा कोरियामा रहेका बिधार्थी, मजदुर र अन्य नेपालीहरुलाई समस्या पर्दा सहयोग गर्दै आएको बताउन्छन् l चौथो अधिबेशनबाट उपाध्यक्ष पदमा चुनिएका ३ जना मध्ये २ जना उपाध्यक्षले राजीनामा दिईसकेका छन् l
अध्यक्ष पदको लागि सहयोग गर्न तामाङले कोरियामा रहेका ब्यापारी, बुद्दीजीबी, पत्रकार, बिधार्थी र बिभिन्न पेशामा संलग्न नेपाली समुदायलाई हार्दिक अनुरोध गरेका छन् |
