NRNA कोरियाले श्रमिक तथा विद्यार्थीका लागि ‘हेल्प डेस्क ‘ सञ्चालन गर्ने

NRNA दक्षिण कोरियाले श्रमिक र विद्यार्थीका लागि “हेल्प डेस्क” सञ्चालन गर्ने भएको छ। विपिन गुरुङ नेतृत्वको संस्थाले गत जुलाई २६ तारिख प्रतिवद्धता सार्वजनिक गर्ने कार्यक्रममा यस विषयमा जानकारी गराएको थियो।

पहिलो बुँदामा नै प्राथमिकतामा राखेर ‘हेल्प डेस्क बनाउने’ प्रतिवद्धता सार्वजनिक गरिएको थियो। कोरियामा रहेका नेपाली श्रमिक तथा विद्यार्थीहरुको हक अधिकार, बसोबास, सामाजिक सुरक्षा लगायत अन्य व्यवहारिक समस्याहरुको दीर्घकालीन समाधान र संस्थागत सहजिकरणका लागि कोरियामा क्रियाशिल संस्थाका प्रतिनिधि तथा सम्बन्धित क्षेत्रका विज्ञहरुलाई समावेश गरि एक सम्पर्क गठन गरिने जानकारी गराइएको छ। जस मार्फत पीडित तथा समस्यामा परेका व्यक्तिहरुको गुनासो दर्ता, आवश्यक सहयोग, कानूनी तथा सामाजिक परामर्श प्रदान गर्ने र सम्बन्धित कोरियन निकायहरुसँग समन्वय गरी सेवा प्रवाहलाई सहज, पारदर्शी र प्रभावकारी बनाउने कार्य गरिने बताइएको थियो।

कोरियामा नेपालीको संख्या बढेसँगै समस्याहरुपनि बढेको पाइन्छ्। श्रमिक तथा विद्यार्थी हेल्प डेस्क एक महिना भित्र सञ्चालन गरिने महासचिव अजय सोडारीले विश्वास दिलाएका छन।