कोरियामा ‘आदिवासी जर्नल एवम स्मारिका ‘ विमोचन
कोरियामा “आदिवासी जर्नल एवम स्मारिका २०२५ ” विमोचन भएको छ। दोङ्देमुन स्थित नेपाली थाइको सभा हलमा जुलाई २७ तारिख प्रमुख अतिथी नेपाली दूतावसका राजदूत डा शिवमाया तुम्बाहाङ्फेको बाहुलीबाट पुस्तक सार्वजनिक गरिएको थियो। यस पुस्तकलाई नेपाल आदिवासी जनजाति महासंघ दक्षिण कोरियाले प्रकाशन गरेको हो। 
प्रमुख अतिथी डा तुम्बाहाङ्फेले पुस्तक निकै उत्कृष्ट रहेको बताएकि थिइन्। सरसर्ती हेर्दा पुस्तकमा आदिवासीका गहन विषयवस्तु समेटिएको उल्लेख गर्दै अनुकरणीय काम गरेकोमा संस्थालाई बधाई तथा धन्यवाद व्यक्त गरेकि थिइन्। साथै उनले हामीले समस्या औँल्याएर पन्छिनुभन्दा छलफल गरेर समाधान गर्नुपर्नेमा जोड दिँदै आक्रोशमा आउन नहुने बताएकि थिइन्।
नेपाल आदिवासी जनजाति महासंघ दक्षिण कोरियाले आफ्नो मौलिक भाषा,संस्कृति,परम्परा र इतिहासलाई प्रवासमा संरक्षण एव प्रवर्द्धन गर्न, नेफिन कोरिया ,कोरियामा क्रियाशील सबै जातिय संस्थाहरुको स्थापना ,बिकासक्रम र गतिविधिलाइ दस्तावेजिकरन गर्न पुस्तक प्रकाशन गरिएको अध्यक्ष विशन राईले बताएका छन्। साथै आदिवासी जनजातिहरुको सन्दर्भमा विभिन्न खोज अनुसन्धानात्मक लेख रचनाहरुलाइ समेटदै पुस्तक प्रकाशन गरिएको र सहयोगी सम्पूर्णलाई पुस्तक प्रकाशन संयोजक शुभराज बोम्जनले धन्यवाद व्यक्त गरेका छन्।
पुस्तक प्रकाशनमा सहयोग गर्ने प्रायोजक, मिडियाकर्मी, लेखक साहित्यकार एवम स्मारिक प्रकासन समितिमा आवद्ध व्यक्तित्वहरुलाई सम्मान पनि गरिएको थियो। यसैगरी विश्व आदिवासी कविता प्रतियोगिताको सान्त्वन्ना विजयी कवि विजयिता भण्डारीलाई सम्मान पत्र एवम एक लाख वन पुरस्कार प्रदान गरिएको थियो।
उक्त जर्नल को विमोचन एवं सार्वजनिक विमर्श कार्यक्रममा कोरियामा क्रियाशील संघ संस्था,राजनीतिक दल बुद्धिजीवी ,व्यावसायि,पत्रकार, बिद्यार्थी लगायत नेपालीहरुको उपस्थिति रहेको थियो।
