पार्वती मोक्तान र हरी प्रसाद भट्टराई चुनावी मैदानमा, वुद्धि गुरुङद्वारा उमेद्वारी फिर्ता

गैर आवासिय नेपाली संघ NRNA दक्षिण कोरियाको अध्यक्ष पदका लागि पार्वती मोक्तान र हरी प्रसाद भट्टराईबीच मतदान हुने भएको छ। निर्वाचन मण्डलले आज प्रकाशित गरेको अन्तिम उमेद्वारी नामावली अनुसार अन्य पदहरुमा भने निर्विरोध चयन भएका छन्।

यस अघि अध्यक्ष पदका लागि उमेद्वारी दिएका वुद्दि गुरुङले भने उमेद्वारी फिर्ता लिएका छन्। गुरुङ वर्तमान कार्यसमितिका अध्यक्ष समेत हुन्। अध्यक्ष पदका दावेदार पार्वती मोक्तान हाल समितिमा वरिष्ठ उपाध्यक्षमा रहेका छन भने हरी प्रसाद भट्टराई उपाध्यक्ष पदमा छन्। यसैगरी वरिष्ठ उपाध्यक्ष पदका लागि सुनिल कन्दङ्वाले र महासचिव पदका प्रत्यासी दिपक केसीले पनि उमेद्वारी फिर्ता लिएका छन्। गएको ९ औँ अधिवेशनभन्दा ७०% कम उमेद्वारी दर्ता भएको आसन्न अधिवेशनका लागि ICC प्रतिनिधि , महिला उपाध्यक्ष र सह कोषाध्यक्षका लागि भने कुनै उमेद्वारी नआएको निर्वाचन मण्डलले जनाएको छ। 

कोरियाको नेपाली समाजमा सक्रिय रहेका यि दुवै जना समाजसेवामा पनि त्यतिकै खट्ने गरेको पाइन्छ। कोरियामा रहेका विद्यार्थी एवम विभिन्न पेसामा आवद्ध नेपालीको समस्यालाई समाधान गर्न दुवै सहयोगी छन्। मोक्तान कोरियाका एक सफल व्यवसायी पनि हुन भने भट्टराई JB बैंकमा कार्यरत छन्।

वुद्धि गुरुङ नेतृत्वको NRNA ले शेष घलेको संयोजकत्वमा रहेको उच्च स्तरीय समितिको एकता महाधिवेशनमा भाग लिएको थिएन्। यो संस्थाले आगामी जुलाई २६ र २७ तारिख १० औँ अधिवेशन गर्दैछ।