‘आदिवासी जर्नल एवम स्मारिका ‘ विमोचन जुलाई २७ मा
कोरियामा “आदिवासी जर्नल एवम स्मारिका ” विमोचन हुने भएको छ। दोङ्देमुन स्थित नेपाली थाइको सभा हलमा जुलाई २७ तारिख आइतवार दिनको १२ बजे पुस्तक सार्वजनिक गरिने आयोजकले जनाएको छ। यस पुस्तकलाई नेपाल आदिवासी जनजाति महासंघ दक्षिण कोरियाले प्रकाशन गरेको हो।
नेपाल आदिवासी जनजाति महासंघ दक्षिण कोरियाले आफ्नो मौलिक भाषा,संस्कृति,परम्परा र इतिहासलाई प्रवासमा संरक्षण एव प्रवर्द्धन गर्न, नेफिन कोरिया ,कोरियामा क्रियाशील सबै जातिय संस्थाहरुको स्थापना ,बिकासक्रम र गतिविधिलाइ दस्तावेजिकरन गर्न पुस्तक प्रकाशन गरिएको अध्यक्ष विशन राईले बताएका छन्। साथै आदिवासी जनजातिहरुको सन्दर्भमा विभिन्न खोज अनुसन्धानात्मक लेख रचनाहरुलाइ समेटदै पुस्तक प्रकाशन गरिएको पनि उनले थपेका छन्।
उक्त जर्नल को विमोचन एवं सार्वजनिक विमर्श कार्यक्रममा कोरियामा क्रियाशील संघ संस्था,राजनीतिक दल बुद्धिजीवी ,व्यावसायि,पत्रकार, बिद्यार्थी एव समस्त नेपालिहरुमा उपस्थितिका निम्ति आयोजकले सादर निमन्त्रणा गरेको छ।
