श्रमीक मैत्री NRNA बनाउने अभियान सहित सोनाम शेर्पाको महासचिवमा उमेद्वारी

गैर आवासिय नेपाली संघको १० औँ अधिवेशनमा सोनाम शेर्पाले महासचिव पदका लागि उमेद्वारी घोषणा गरेका छन्।

“परिवर्तन एकता, सहकार्य, र सह अस्तित्व
परिपक्व, जुझारु, श्रमीकमैत्री यूवा नेतृत्व “

मूल नारा लिएर उनि मैदानमा उत्रीएका छन्। एन आर एन ए विशेष गरेर श्रमिक मैत्री हुनुपर्ने उनको जोड रहेको छ।

उनी गएको अधिवेशनमा सबैभन्दा कम मत परिणाम 20 भोटले सचिव पदमा पराजित भएका थिए। उक्त चुनावमा भोट दिने सबैलाई धन्यवाद दिँदै उनले पहिलेकै प्रतिबद्धतालाई पुरा गर्न पुन : उमेद्वारी दिएको बताएका छन्।

फोनिज कोरिया सँगको संवादमा उनले ” लगभग १५ वर्षको मजदुरी गरेको अनुभव भएको कारण मैले मजदुरहरूको समस्या निकै नजिकबाट नियालेको वा आफैले भोगेको पनि छु।अवश्य पनि विद्यार्थीहरूलाई पनि कलेजमा भन्दा पढ्दै मजदुरी गर्दा प्राय समस्या हुने गर्दछ। र ति समस्यालाई समाधान गर्न सक्छु भन्ने विश्वाश दिलाउन चाहन्छु। ” भनी प्रतिवद्धता व्यक्त गरेका छन्।

उनी हाल नोन्सान विदेशी सहायता केन्द्रको नेपाली प्रतिनिधि, रहेका छन भने नोन्सान नेपाली एकता समाज को संस्थापक अध्यक्ष, नोन्सान एन एफ सि को संरक्षक, पुर्वी नेपाल समाज कोरिया सचिव, संखुवासभा सम्पर्क परिवार कोरिया र शेर्पा संघ दक्षिण कोरियामा आबद्ध भएर काम गरिसकेका छन्। आफूले उक्त संस्थाहरुमा इमान्दारि पूर्वक जिम्मेवारी पूरा गरेको बताउँदै आफूलाई एकपटक मत दिनका लागि कोरियाबासी नेपालीमा अनुरोध गरेका छन्। ।