फोनमनीको एक करोड विजेतालाई नगद पुरस्कार हस्तान्तरण
रेमिट्यान्स कम्पनी फोनमनी साथमा एक करोड हातमा अभियानको लक्की ड्रको विजेता मिलन विश्वकर्मालाई नगद पुरस्कार हस्तान्तरण गरेको छ । जुलाई ५ शनिवार फोनमनीको मुख्यालय सौलमा एक कार्यक्रम गरी नगद एक करोड कोरियन वन पुरस्कार हस्तान्तरण गरेको थियो ।
गत महिना जुन १५ मा सौल दोङ्देमुनमा रहेको फोनमनीको मुख्यालयमा पुनः लक्की ड्र सम्पन्न भएको थियो । यसअघि मे १८ मा औपचारिक कार्यक्रम गरी विजेता घोषणा गरेको थियो । त्यस तत्कालीन विजेताले तोकिएको कानुनी प्रक्रिया र आवश्यक सर्तहरू पूरा गर्न नसकेकाले उक्त विजेता घोषणा औपचारिक रूपमा रद्द गरिएको थियो ।
पुरस्कार हस्तान्तरणपछि खुसी साट्दै विजेता मिलन विश्वकर्माले यो पुरस्कार रकम नेपालमा बनाउँदै गरेको घरमा रङ्गरोगन तथा इन्टेरियरको काममा खर्च गरिने बताए । साथै उनले रेमिट्यान्स कम्पनी फोनमनी फेमेलीलाई धन्यवाद र आभार व्यक्त गरे ।
फोनमनीले फोनमनी साथमा एक करोड हातमा सँगै ३६ हप्तामा ३६ जनालाई पैसा डबल पनि सम्पन्न गरेको थियो । उनीहरूले कोरियाबाट नेपाल फोनमनीबाट पठाएको रकम बराबरको लक्की ड्र मार्फत डबल पाएको थियो । फोनमनीले यी सबै विजेताहरूलाई धन्यवाद ज्ञापन गर्दै यस्तै थप आकर्षक योजनाहरू ल्याउने प्रतिबद्धता जनाएको थियो ।
ग्राहकहरूको साथ र विश्वासप्रति आभार व्यक्त गर्दै फोनमनीले छोटो समयमै नेपाली समुदायमा कम्पनीलाई एक भरोसाको रेमिट्यान्स सेवा प्रदायकको रूपमा स्थापित गर्न सफल भएको छ । छिटो, भरपर्दो र सुरक्षित सेवा प्रदान गर्दै आएको फोनमनीले डिजिटल सुरक्षालाई उच्च प्राथमिकता दिँदै डिभाइस डिटेक्सन सिस्टम जस्तो प्रविधिको प्रयोग गरिरहेको छ । जसले सम्भावित ठगी र ह्याकिङबाट प्रयोगकर्ताहरूलाई सुरक्षित राख्ने कार्य गर्दछ ।
शून्य सेवा शुल्क, छरितो प्रक्रिया, उत्कृष्ट ग्राहक सेवा र विविध रेमिट्यान्स विकल्पहरू उपलब्ध गराउँदै आएको फोनमनीले हालसम्म नेपालसँगै श्रीलङ्का, बङ्गलादेश, इन्डोनेसिया र भियतनामसम्म आफ्नो सेवा विस्तार गरिसकेको छ ।
