नेपाल मगर संघ दक्षिण कोरियाद्वारा भुमे पूजा तथा वनभोज कार्यक्रम गर्ने
दक्षिण कोरिया, २६ मे २०२५ – नेपाल मगर संघ दक्षिण कोरियाले आउँदो जुन १४ र १५, २०२५मा भुमे पूजा तथा वृहत वनभोज कार्यक्रम भव्य रूपमा आयोजना गर्ने भएको छ। संघका सम्पूर्ण शाखाहरूको सहभागिता र थेगु शाखाको मुख्य व्यवस्थापनमा हुने यो कार्यक्रमले प्रवासमा रहेका नेपाली समुदायबीच आपसी मेलमिलाप र मगर समुदायको सांस्कृतिक पहिचानलाई संरक्षण गर्ने उद्देश्य राखेको जनाएको छ।
मगर संघ थेगु शाखाकी अध्यक्ष दिक्षा मगरले कार्यक्रमको मुख्य उद्देश्य बारे जानकारी दिँदै भने, “यो कार्यक्रमले प्रवासमा रहेका नेपालीहरूबीच भेटघाट र दुखसुख साटासाटको अवसरप्रदान गर्नेछ। साथै, मगर समुदायको परम्परागत भुमे पूजा र सांस्कृतिक मूल्य–मान्यतालाईजगेर्ना गर्न यो आयोजना महत्वपूर्ण छ।”
कार्यक्रममा नेपाली र कोरियाली परिकारको स्वाद, नौमती बाजाको सुमधुर धुन, मौलिक नृत्यहरू, र चर्चित कलाकारहरूको बेजोड प्रस्तुति रहने सांस्कृतिक संयोजक जीतन भाई श्रीसले बताए। यो कार्यक्रमले सांस्कृतिक समृद्धि लाई प्रवर्द्धन गर्नुका साथै सहभागीहरूलाई मनोरञ्जनात्मक अनुभव प्रदान गर्नेछ।
सहभागिताका लागि शुल्क निर्धारण गरिएको छ, जसअनुसार पुरुषका लागि १,००,००० कोरियाली वन, महिलाका लागि ८०,००० वन, र विद्यार्थीका लागि ७०,००० वन तोकिएको छ।सहभागीहरूको सुविधाका लागि विभिन्न स्थानहरूबाट बसको व्यवस्था गरिएको महासचिव अमर दर्लामीले जानकारी दिए।
यस वर्षको भुमे पूजालाई थप विशेष बनाउन मगर समुदायको सांस्कृतिक पहिरनलाई प्रोत्साहन गर्ने उद्देश्यले एक जना पुरुष र एक जना महिलालाई उत्कृष्ट मगर पहिरनका आधारमा छनोट गरी पुरस्कृत गरिने थेगु शाखाका संरक्षक कमल थापा मगरले बताए। “हाम्रो संस्कृति रपहिरनलाई प्रवासमा पनि जीवन्त राख्न यो पहलले महत्वपूर्ण भूमिका खेल्नेछ,” उनले थपे।
नेपाल मगर संघ दक्षिण कोरियाले हरेक वर्ष आयोजना गर्दै आएको भुमे पूजा कार्यक्रमऐतिहासिक र सांस्कृतिक रूपमा महत्वपूर्ण मानिन्छ। यो वर्षको कार्यक्रमले पनि मगरसमुदायको एकता, सांस्कृतिक गौरव, र प्रवासमा नेपाली पहिचानलाई थप सशक्त बनाउने अपेक्षा गरिएको छ।
कार्यक्रममा सहभागी हुन इच्छुक व्यक्तिहरूले नेपाल मगर संघ दक्षिण कोरियाका सम्बन्धित शाखाहरूसँग सम्पर्क गरी थप जानकारी लिन सकिने जनाएको छ ।
