कोरियामा नेसंसाफोमा नौ जना प्रवेश

सोल-संघिय समाजबादी फोरम नेपालको प्रबाश संगठन नेपाली संघिय समाज कोरियामा नौ जना कार्यकर्ताले पार्टी प्रवेश गरेका छन् l

बिभिन्न पार्टी छोडेर प्रवेश गर्नेहरुमा मनोज राई, तुला खालिङ, पबन थुलुंग, भिम खालिंग, सुरेश राई, राजु लामा, बिकाश योन्जन तामांङ, अर्जुन कुमार राई, र धिरेन बान्तवा रहेका छन l

नेफेसो कोरियाका अध्यक्ष दिपेन्द्र राईले पार्टी प्रवेश गर्ने सम्पूर्ण कार्यकर्ताहरु लाई सपथ ग्रहण गराएका थिए l अध्यक्ष राईले पहिचान सहितको संघियता र धर्म निरपेक्षताको देश नभए कुनै पनि नेता हरुलाई नेपालमा बस्ने अधिकार नहुने भन्दै सम्पूर्ण पहिचान र संघीयताको पक्षधरहरुलाई एकजुट हुन उनले आग्रह गरे l

जनजाती महासंघका द. कोरियाका उपाध्यक्ष तथा नेफेसो कोरियाका सल्लाहकार चित्रबहादुर मोक्तानले अहिले नेपालमा भैरहेको पहिचान सहितको संघियता र धर्म निरपेक्षको आन्दोलनमा सघाउन सम्पूर्णलाई आग्रह गरे l

नेफेसो कोरियाका उपाध्यक्ष देवराज स्यांगतानले देशको महत्वपुर्ण संबैधानिक निकायहरु र शक्ति केन्द्रहरुमा संघियता र पहिचान बिरोधि तत्वहरु रहेकोले सर्बप्रथम उनीहरुलाई परास्त गर्नुपर्ने आबश्यकता रहेको उनले बताए l

सुवनस्थित सांग्रिला रेस्टुरेन्टमा भएको उक्त कार्यक्रम संचालन नेफेसोका महासचिब महेन्द्र राईले गरेका थिए l

भिडियो यहाँ हेर्नुहोस :-