चलचित्र “अञ्जिला” ह्वासङ स्थित फारानमा प्रदर्शन हुँदै

नेपाली महिला राष्ट्रीय टोलीकी कप्तान अञ्जिला तुम्बापोको जीवन कथामा आधारित चलचित्र “अञ्जिला” ह्वासङ सि फारानमा प्रदर्शन हुने भएको छ। फारान स्थित 사랑방 को हलमा मार्च २३ तारिख आइतवार शो हुने आयोजक ह्वासङ नेपाली परिवारले जानकारी गराएको छ। चलचित्र प्रदर्शनको सम्पूर्ण तैयारी पूरा भएको अध्यक्ष सजना यक्सोले अवगत गराएकि छन्।

मार्च १३ देखि प्रदर्शनमा आएको यस चलचित्रलाई सौलमा प्रीमियर शो गरिसकिएको छ। चलचित्रमा अञ्जिला तुम्बापो, दयाहाङ राई, माओत्से गुरुङ, वुद्दि तामाङ आदिको अभिनय हेर्न सकिने छ। यस चलचित्रलाई किरात याक्थुङ चुम्लुङ कोरियाको सहकार्यमा विभिन्न स्थानमा प्रदर्शनको तयारी रहेको चुम्लुङका कार्यवाहक अध्यक्ष विरेन लिङ्देनले जानकारी गराएका छन्।

कोरियाभरि प्रदर्शन गरिने शो “अञ्जिला तुम्बापोको ” भवन निर्माणार्थ प्रदर्शन गरिने भएको हुँदा सम्पूर्ण खेलप्रेमी एवम चलचित्र प्रेमीहरुलाई चलचित्र हेरिदिनको निम्ति आयोजकले अनुरोध गरेको छ। भवन निर्माण पश्चात उक्त भवनलाई फूटबल एकेडेमी बनाउने अञ्जिला तुम्बापोले बताएकी छन्। अञ्जिला हाल युरोपको ग्रीसको ए डिभिजन “निस” क्लवबाट व्यवसायिक फूटबल खेल्दैछिन्।