मार्च २ मा प्रीमियर हुने चलचित्र “अञ्जिला” को सम्पूर्ण तैयारी पूरा

नेपाली महिला राष्ट्रीय टोलीकी कप्तान अञ्जिला तुम्बापोको जीवन कथामा आधारित चलचित्र “अञ्जिला” को कोरियामा प्रीमियर शो हुने भएको छ। दोङ्देमून स्थित 종로 구민 회권  को हलमा मार्च २ तारिख आइतवार शो हुने आयोजक किरात याक्थुङ चुम्लुङले जानकारी गराएको छ। चलचित्र प्रदर्शनको सम्पूर्ण तैयारी पूरा भएको कार्यबाहक अध्यक्ष मनोज मादेम्बाले अवगत गराएका छन्।

चलचित्रमा अञ्जिला तुम्बापो, दयाहाङ राई, माओत्से गुरुङ, वुद्दि तामाङ आदिको अभिनय हेर्न सकिने छ। यस चलचित्रलाई नेपाल फूटबल महासंघ कोरियाको सहकार्यमा विभिन्न स्थानमा प्रदर्शनको तयारी रहेको महासंघका अध्यक्ष ब्रो तमुले अवगत गराएका छन्।

कोरियाभरि प्रदर्शन गरिने शो “अञ्जिला तुम्बापोको ” भवन निर्माणार्थ प्रदर्शन गरिने भएको हुँदा सम्पूर्ण खेलप्रेमी एवम चलचित्र प्रेमीहरुलाई चलचित्र हेरिदिनको निम्ति आयोजकले अनुरोध गरेको छ। भवन निर्माण पश्चात उक्त भवनलाई फूटबल एकेडेमी बनाउने अञ्जिला तुम्बापोले बताएकी छन्।…