सलनालको दोश्रो दिन ओखलढुङ्गा नाइटमा गायिका आस्था राउतको प्रस्तुति हुने
कोरियन नयाँ वर्ष सलनालको दोश्रो दिन ओखलढुंगा नाइटमा गायिका आस्था राउतको प्रस्तुति हुने भएको छ। जनवरी २९ तारिख साँझ ७ बजेदेखि सुरु हुने म्युजिकल नाइटक ओखलढुंगा सेवा समाजले आयोजना गर्दैछ। आपतकालिन राहत कोष स्थापनार्थ कार्यक्रम गर्न लागेको अध्यक्ष केशव श्रेष्ठले जानकारी दिएका छन्।
चर्चित गायिका राउतको साथमा गायक मुस्कान मुकारुङ राई र दिनेश नाछिरिङको पनि प्रस्तुति हुने आयोजकले जनाएको छ। म्युजिकल इभेन्ट भएकोले डिजे RUM ACE ले कार्यक्रमलाई तताउने विश्वाश गरिएको छ।
पुर्वी नेपाल समाजको समन्वयमा ओखलढुंगाले यो कार्यक्रम गर्न लागेको हो। गत हप्ता आइतवार कार्यक्रमको पोस्टर सार्वजनिक गरेर प्रचार प्रसारलाई तिव्र बनाइएको छ्। 
