नेपाली सामुदायिक समिति ख्वान्ग्जुद्वारा ३४ लाख हस्तान्तरण

राजु श्री

गत बैशाख १२ गते नेपालमा गएको विनाशकारी भुकम्पबाट क्षतिग्रस्त भएका रामेछाप , सिन्धुपाल्चोक र गोरखाका केहि बिद्यालय हरुको भौतिक संरचना पुनर्निमाण का लागि ‘नेपाली सामुदायिक समिति ख्वान्ग्जु’ ले ३४ लाख रुपैया सहयोग हस्तान्तरण गरेको छ l

‘नेपाली सामुदायिक समिति ‘ को अग्रसरमा एनआर एन क्षेत्रिय तदर्थ समिति ख्वान्ग्जु ,अनुग्रह मण्डली ख्वान्ग्जु र आप्रबाशी सहयोग केन्द्र ख्वान्ग्जुको संयुक्त पहलमा ख्वान्ग्जु आसपासका क्षेत्रमा काम गर्ने नेपाली दाजु भाइ दिदि बहिनी , पैदल यात्री ,बस पार्क ,रेल स्टेशन लगायतका स्थान बाट उक्त रकम संकलन गरिएको थियो l संकलित रकम बिजुलीकोट -९ (कोटगाउँ )रामेछाप स्थित श्री भ्रिन्गेश्वर मा .बि १० लाख ,गोर्खा नगरपालिका छेबेटार -९ स्थित श्री तारा उच्च मा .बि. १० लाख ,गोरखाकै छोप्राक -९ मा रहेको श्री धर्मवाती मा .बि. १० लाख र राम्चे- ७ सिधुपाल्चोक स्थित श्री जनजागृति प्राबि ४ लाख गरि कुल ३४ लाख रुपैया हस्तान्तरण गरिएको हो l

उक्त रकम जिल्ला शिक्षा अधिकारी , बिद्यालय ब्यबस्थापन समितिका पदाधिकारीहरु , बिद्यालय का शिक्षक शिक्षिका, स्थानीय बुद्दिजिबि, पत्रकार र अबिभाबकहरुको प्रत्यक्ष्य सहभागितामा बिद्यालयका प्राध्यापकहरुलाई हस्तान्तरण गरियको हो l ‘विनाशकारी भुकम्प पश्चात गोर्खाका बिद्यालय ले पाएको यो नै सबैभन्दा ठुलो राशिको सहयोग हो l कोरिया का प्रबाशी नेपाली हरुको गाँस काटिएको यो रकमको पारदर्शी तवरले पूर्ण सदुपयोग गर्न सम्बन्धित बिद्यालय हरुलाई निर्देशन दिदै जिल्ला शिक्षा कार्यालयमा आयोजित धन्यबाद ज्ञापन कार्यक्रम मा जिल्ला शिक्षा अधिकारी भरत अर्याल ले भन्नु भयो – कोरिया को ख्वान्ग्जु क्षेत्रमा कार्यरत नेपालीहरुको पसिना र गाँस संग जोडिएको यो सहयोग राशिको उच्च मुल्यांकन गर्दै प्राप्त सहयोग रकम आफ्नै प्रत्यक्ष निगरानी बाट विद्यालयको कार्य सम्पन्न गराउने छु ‘l

राज्यले गर्नुपर्ने दायित्व मा कोरियाका प्रबाशी नेपालीहरु अंशियार बनेको भन्दै धन्यवाद ज्ञापन कार्यक्रम मा रामेछापका जिल्ला शिक्षा अधिकारी खुबिराम अधिकारीले खुशी ब्यक्त गर्नुभयो l उल्लिखित बिद्यालय हरु लाइ नेपाली सामुदायिक समिति , एन आर एन क्षेत्रिय समिति,आप्रबशि सहयोग केन्द्र कोरियाका सम्मिलित प्रतिनिधिहरु श्री खनाल ( झापा ),सन्तोष पराजुली ( कास्की ), शुशिल गुरुङ ( चितवन ), राजु श्री ( रामेछाप ) र कोरियन नागरिकहरु हे गोङ्ग स्निम , युन हो स्निम ,मून योङ्ग फे, प्राध्यापक डा . इ जु सङ्ग को संयुक्त संयोजनमा वितरण गरिएको हो l