कोरियामा नेपाली संस्कृती र परिकारको परिचय गराउदै
दक्षिण कोरियाको राजधानी सिओल देखि अन्दाजी १ सय किमीको दुरीमा रहेको ख्यङ्गगिदो प्रान्तको फेन्थेक सिटिहलको प्राङ्गघनमा हिजो २ तारिख आईतबारको दिन आयोजित १७ औ विश्व जनसंख्या दिवशको उपलक्ष्यमा आयोजित बृहत बहुराष्ट्रिय सांस्कृतिक महामेलामा सहभागी नेपालीहरुले नेपालको राष्ट्रिय भेषभुशा, परिकार , नृत्य आदिहरु प्रर्दशन गरि नेपाल र नेपालीहरुको भव्य रुपमा परिचय गराउन सफल भएका थिए ।
फेन्थेक नगर पालिका र फेन्थेक माईग्रेन्ट सेन्टरको संयुक्त आयोजनामा भएको सो कार्यक्रममा ईपीएस मार्फत कोरिया आउने १६ वटा राष्ट्र मध्ये नेपाल, कम्बोडिया, फिलिपिन,म्यानमार लगायत ११ वटा राष्ट्रका संघ संस्थाहरुले सहभागी जनाएका थिए ।
कार्यक्रममा फेन्थेक माईग्रेन्ट सेन्टर नेपाली कमिटिका अध्यक्ष मनोज चापागाईले आजको कार्यक्रम भनेको विभिन्न राष्ट्रका कला संस्कृती परिकारको परिचय गराउने प्लेटफर्म रहेको बताउदै नेपाली मोडेलहरुले राष्ट्रिय पोशाकमा रेडकार्पेटमा वर्किङ्ग गर्ने, नेपालीहरु विश्वमा गोर्खाली भनेर पनि परिचत भएको हुनो गोरखा पल्टन नामक फिल्मको गीतमा नृत्य प्रर्दशन गरेको र नेपाली परिकारमा चटपटे र विर्यानीको परिकार राखेको बताए ।
सोही कार्यक्रममा नेपाली परिकारका सेफको भुमिका निभाई रहनु भएको कमल सापकोटाले चटपटे भनेको नेपाली मात्र नभई कोरियाको अधिकांश युवाहरुले मन पराउने खाजा हो । चटपटेमा गेडागुडी र हरियोपरियो बढी प्रयोग गर्ने हुनाले पछिल्लो समयमा उमेर खाएकाहरुले पनि स्वास्थ्यको लागी राम्रो हो भन्दै चटपटे रुचाउन थालेका छन । साथै विर्यानीमा प्रयोग गरिने बासमति चामल कोरियनहरुको लागी नौलो स्वाद भएको बताउदै कोरियन मात्र नभएको अन्य राष्ट्रका नागरिकहरुले पनि हामीले बनाएको परिकारहरु मिठो र स्वादिष्ट गरि खाई दिएको बताए ।
सोही कार्यक्रममा विभिन्न राष्ट्रको खाना प्रतिस्पर्धामा जर्जको भुमिका निर्वाह गरि रहनु भएकी माईग्रेन्ट सेन्टरकी पदाधिकारी सिन यङ्ग मिले अन्य राष्ट्रको तुलनामा नेपाली खाना अलिक फरक रहेको बताउदै कोरियाको खानामा केहि मात्रामा नुन र चिनी मिसाएर लगाउने संस्कार छ तर नेपालको खानामा नुन मात्र लगाउने रहेछ त्यसैले चर्को भएको महसुस गरे तर चटपटेकोे स्वाद कोरियनहरुको स्वाद संग मिल्दो जुल्दो पिरो र स्वास्थ्यको लागी राम्रो मानिने गेडागुडी प्रयोग गर्ने रहेछ मिठो लाग्यो भन्नु भयो ।
सोही कार्यक्रममा एनआरएन कोरियाका अध्यक्ष बुद्धि गुरुङ्गले भगवान गौतम बुद्धको जन्म नेपालमा भएको हो भनी अंकित हातेपंखा कोरियन लगायत विभिन्न देशका नागरिकहरुलाई निशुल्क बितरण गरेका थिए ।
कोरियाका विभिन्न राजनितीक पार्टीका सांसद, फेन्थेक सिटिका मेयर लगायत विभिन्न राष्ट्रका कुटनितीक नियोगका प्रतिनिधीहरुले शुभकामना मन्तव्य व्यक्त गरेका थिए । तर सो कार्यक्रममा नेपालको कुटनितीक नियोग नोपली राजदूतावासबाट एक जना प्रतिनिधी पनि आएका थिएन ।
