NRNA कोरिया र कोरियाली चिकित्सक समाजबीच ‘स्वास्थ्य उपचार सम्बन्धि’ सम्झौता
गैर आवसीय नेपाली संघ दक्षिण कोरिया र कोरियाली चिकित्सक समाजबीच ‘स्वास्थ्य उपचार सम्बन्धि’ सम्झौता भएको छ। सम्झौतामा नेपाली श्रमिकहरुको स्वास्थ्य उपचारमा सहयोग गर्ने उल्लेख गरिएको छ। पार्वती मोक्तान नेतृत्वको एन आर एन एले बुधबार एयस डकाष्टको कार्यालयमा दुइ पक्षको सम्बन्धित पदाधिकारीहरुको उपस्थितिमा सम्झौता पत्रमा हस्ताक्षर गरिएको हो । 
चिकित्सक समाजको अध्यक्ष इम सक योङ र गैर आवासीय नेपाली संघ दक्षिण कोरियाकी अध्यक्षले सम्झौता पत्रमा हस्ताक्षर गरेका छन् । आउदो सेप्टेम्बर २० देखि नेपाली श्रमिक, विद्यार्थी तथा भिषा नहुनेहहरुले पनि निशुल्क स्वास्थ्य उपचार पाउने भएका छन् । प्रत्येक दुई महिनामा एक पटक स्वास्थ्य शिबिर सञ्चालन हुने जनाएको छ ।
चिकित्सक समाजले औसधी उपचार, जनशक्ति र उपकरणको व्यबस्था गर्नेछन भने गैर आवासीय नेपाली संघको तर्फबाट प्रचार प्रसार र बिरामीहरुको दर्ता र सहजिकरण गर्ने सम्झौता पत्रमा उल्लेख गरिएको छ । बुधबार दुइ पक्षिय सम्झौतामा हस्ताक्षर गर्ने कार्यक्रममा संघका अध्यक्ष पार्बती मोक्तान सङ्गै वरिष्ठ उपाध्यक्ष तारा पुन मगर, उपाध्यक्ष निरञ्जन भण्डारी, सचिव सोनाम शेर्पा र महिला संयोजक मिता गुरुङ लगायतको उपस्थिति रहेको थियो ।
