सुम्निमा डान्स पार्टीको आयव्यय सार्वजनिक , ३ करोड २० लाख वन मुनाफा
कोरियन नयाँ वर्ष सलनालको अवसरमा आयोजित सुम्निमा डान्स पार्टीको आयव्यय सार्वजनिक गरिएको छ। उक्त डान्स पार्टीबाट ३ करोड २० लाख २४ हजार ९ सय २४ वन मुनाफा राख्न सफल भएको छ। कार्यक्रमाबाट भएको मुनाफाला रकमलाई आपतकालिन अक्षय कोष निर्माण गरिने अध्यक्ष पुरन याम्फुले जानकारी गराएका छन्। 
सुम्निमा डान्स पार्टीलाई १ करोड ४ लाख ३९ हजार २ सय ९९ वन व्यक्तिगत सहयोग प्राप्त भएको छ भने संस्थागत सहयोगबाट १३ लाख १९ हजार वन संकलन गरिएको आयोजकले जानकारी गराएको छ । यसैगरी पेय पदार्थ र खाजा बिक्रिबाट १ करोड १२ लाख ४४ हजार ७ सय ४ वन र टिकट बिक्रिबाट २ करोड ४९ लाख २० हजार वन संकलन गरिएको छ। त्यसबाट कार्यक्रम व्यवस्थापनमा १ करोड ५७ लाख ९७ हजार ९ सय ८० वन खर्च भएर ३ करोड २० लाख २४ हजार ९ सय २४ वन नाफा भएको छ।
किरात राई यायोक्खाले गत फेब्रुअरी १० को साँझ डिजे नानीको साथमा डान्स पार्टीको आयोजना गरेको थियो। कार्यक्रमलाई सफल बनाउनको निम्ति अहोरात्र खट्ने, आर्थिक भौतिक नैतिक सहयोग गर्ने साथै उपस्थित दर्शकलाई आयिजकले धन्यवाद व्यक्त गरेको छ।
