Advertisement
SKIP THIS

पत्थर, चरा र मेसिन


पत्थर हुन्थे त !
मन्दिरहरूमा कैद हुन्थे
मान्छेहरूको विश्वास माथि शोषण गर्थे

कदापी क्रुर पत्थर बन्ने
चाहाना राखिन

चाहाना राख्नुले मात्रै
कोमल नहुने रहेछ

न त हुने रहेछ
कठोर

म त मान्छे बन्ने
कोसिसमा थिए

कहिले पखेटा पलायो
कहिले उड्न सिके
कहिले चरा बने

समयको कुनै खबर छैन
मसँग

चरा हुनु भनेको
स्वतन्त्र हुनु बुझेको थिए

कविहरुले काव्यमा भन्ने गरेको चरा
परदेशीको विम्ब रहेछ

म परदेशी बनेछु
प्रवासी श्रमिक भएछु

श्रमिक भए पछि
साहुले नियन्त्रणमा लिएको छ
कामको रफ्तार

मेसिनले पेलेको छ
अधिकार

आराम गर्नु श्रमिकको धर्म हैन

निरन्तर मेसिनको गतिचालमा
लय मिलाउनु हो

मेसिनसँग पैठाजोरी खेल्नु हो

अन्जान भाषामा साहुँको
अस्लिल गाली खानु हो

दास हुनु हो

मेसिन अजिङ्गर जस्तै हुन्छ
कुन बेला निलिदिन्छ
थाहा हुदैन

थुप्रै श्रमिक साथिहरु लाई
मेसिनले निलेको देखेको छु

अनि देखेको छु
एउटा सपना, भविष्य र सुखको अवसान भएको

मेसिनसँग मित्रता, दुश्मनी र सामिप्यता छ
आज पनि श्रम गरिरहको छु
मेसिनसँग

श्रम गर्दा गर्दै कहिले
मेसिन भए अत्तोपत्तो भएन

झुसिल्किरा पुतलीमा कायाकल्प
भए जस्तै

म फलाममा परिणत भए
फगत मेसिन भए

मेसिन भए देखि
म भित्र रहेको सतप्रतिशत भावहरू

विस्तारै विस्तारै झरेर
शून्यमा पुगेको छ

भाव शून्य भएको छु
भावुक हुन सक्दिन

मृत्युको खबरले स्पर्श गर्दैन
समवेदना छैन मसँग

शिशुको जन्मले खुसी बनाउदैन
शुभकामना छैन मसँग

घर सम्झनु
आमाबुबा सम्झनु
प्रियसीलाई सम्झनु

मेसिनले गर्न नसक्ने
कामहरू हुन

साथीभाइ आफन्तहरुसँग संवाद गर्न नसक्नु
आखाँले सुन्दर चिजहरू देख्न नसक्नु
जिब्रोले मिठो स्वाद लिन नसक्नु
गीत सङ्गीतमा रमाउन नसक्नु

अवसाद हुनु हैन
मेसिन हुनुको प्रमाण हो

सायद कुनै दिन
म अजिङ्गर हुनेछु

निल्नेछु सिङ्गै मेसिनलाई
निल्नेछु कहाली लाग्दो दु:खलाई

अनि
ओकल्ने छु
सुन्दर जिवनलाई ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • चुम्लुङ कोरियाको ‘रजत जयन्ति विशेष भेटघाट तथा वृहत वनभोज’ कार्यक्रम अन्तिम चरणमा
  • चुम्लुङ कोरियाको ‘रजत जयन्ती विशेष भेटघाट एवम वनभोज कार्यक्रम’ अन्तिम चरणमा
  • तमू धीं कोरियाको महाधिवेशन सम्पन्न, अध्यक्षमा तेज बहादुर गुरुङ सर्वसम्मत
  • एनआरएनए कोरियाको संरक्षकमा डा. प्रकाश धमला र लक्ष्मी गुरुङ चयन
  • ताजा अपडेट

    ईपिएस

    आगामी वर्ष कोरियामा श्रमिकको तलब २.९ प्रतिशतले वृद्धि हुने

      २०२६ का लागि कोरियामा श्रमिकको तलब २.९ प्रतिशतले वृद्धि हुने भएको छ।२०२६ को प्रति घन्टा न्युनतम तलब १०,३२० वोन निर्धारण भएको एमटियू अध्यक्ष उदय राईले जानकारी गराएका छन्। जुलाई १० तारिख बसेको न्युनतम तलब निर्धारण समितिको १२ औ बैठकबाट २०२६ को तलब निर्धारण भएको ...

    उच्छृङ्खल समूहले गरेको गतिविधिमा संस्थाको असंलग्नता पाँच “स” को विज्ञप्ति,

    सनातन साहित्य संगीत साधना समुहले आज आयोजना गरेको "हाङ्गाङ होली महोत्सवमा " केहि समूहले प्रधानमन्त्री केपी ओलि विरुद्ध गरेको नाराबाजि प्रति घोर आपत्ति जनाउँदै प्रेस विज्ञप्ति जारि गरेको छ। महामहिम राजदूत डा. शिवमाया तुम्बाहाङ्फेको प्रमुख आतिथ्यमा आयोजित ...

    कोरियाले E-7 भिसामा नेपाली कामदार प्रवेश गराएको छैन। श्रम कन्सुलर कँडेल

    नेपाली दूतावास कोरियाका श्रम कन्सुलर मैँया कँडेलले कोरियामा इ सेभेन भिसामा कामदार भित्र्याउने प्रक्रिया नरहेको बताएकी छिन्। इ सेभेन (दक्ष) कामदार मात्र होइन हाल नेपालबाट मौसमी कामदार ल्याउन समेत रोक लगाइएको जानकारी दिइन्। मार्च ९ आइतवार  पत्रकार महासंघको ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...