सन् २०२४ का लागि प्रवासी श्रमिकको कोटा निर्धारण, 16 देश बाट १ लाख ६५ हजार
दक्षिण कोरियाले सन् २०२४ का लागि रोजगार अनुमति प्रणाली (ईपिएस) मार्फत १ लाख ६५ हजार कामदार कोरिया ल्याउने भएको छ । मंगलबार बसेको प्रवासी मजदुर नीति निर्धारण समितिको बैठकले सो निर्णय गरेको हो ।
कोरियामा भएको मजदुर अभाबलाई कम गर्नका लागि अहिलेसम्मकै बढि विदेशी कामदारलाई ल्याउन लागेको हो । नेपाल, पाकिस्तात, श्रीलङ्का, बंगलादेश, भियतनाम, फिलिपिन्स, उज्बेकस्थान, कम्बोडिया सहित १६ वटा देशबाट विदेशी कामदार ल्याउने गर्छ ।
कोरियाली सरकारले हरेक बर्ष मजदुर नीति निर्धारण समिति मार्फत कोरिया आउने प्रवासी मजदुरहरुको कोटा निर्धारण गर्ने गर्दछ । बैठकमा सरकार, मजवदुर र उद्यौगीहरुको प्रतिनिधिहरु सहभागी हुन्छन् । सन् २०२४ का लागि तोकिएको १ लाख ६५ हजार कामदार मध्ये नयाँ कामदार १ लाख ४२ हजार ५ सय ३० जना आउने छन् । कामदार मध्ये २१ हजार ४ सय ६० जना कोरियामा एक कार्यअवधि काम गरेका कमिडेड कामदार हुनेछन् । एक बर्ष कुनै कम्पनीमा निरन्तर काम गरे कम्पनीले चाहेमा कमिटेड कामदारको रुपमा डाक्न सक्ने नियम रहेको छ । कोरियाली भाषा परिक्षा गरेर पहिलो पटक कोरिया आउने नयाँ कामदारको रुपमा रहने छन् ।
कामदार मध्ये उत्पादन क्षेत्रमा ९५ हजार जना कामदार आउनेछन् भने कृषि क्षेत्रमा १६ हजार जना कामदार कोरिया आउन पाउनेछन् । पानी जहाज ५ हनार निर्माणमा ६ हजार, सर्भिस क्षेत्रमा १३ हजार कामदार कोरिया आउनेछन् । त्यस्तै २० हजार कामदार भने माग बढि हुने क्षेत्रमा यहाँ ल्याउने गरि कोटा निर्धारण गरिएको छ । कोरियाली सरकारले पहिलो पटक ईपिएस मार्फत नै रेष्टुरेन्ट, होटेल, मोटेल र वनजंगल कटानी गर्ने जस्ता क्षेत्रमा पनि कामदार ल्याउने भएको छ ।
यो बर्ष तोकिएको २०२३ मा १ लाख १० हजार कामदार कोटा तोकिएकोमा हालसम्म ९८ हजार कामदार कोरिया आएका छन् । यस मध्ये नेपाली कामदार सबै भन्दा बढि २० हजार जना कोरिया आएका छन् । हालसम्म नेपाल लगाएत ईपिएस मार्फत काम गर्न कोरिया आएका कामदारको संख्या ३ लाख ५ हजार रहेको छ भने नेपाली कामदारको संख्या ५० हजार भन्दा बढि छ ।
