शेर्पा संघको पाँचौं अधिवेशन सम्पन्न अध्यक्षमा दोर्ची शेर्पा चयन
शेर्पा संघ दक्षिण कोरियाको पाँचौं अधिवेशन सम्पन्न भएको छ । शनिबार भएको अधिवेशनबाट दाेर्ची शेर्पा अध्यक्षमा चुनिएका छन् ।
कार्यसमितिमा वरिष्ठ उपाध्यक्ष प्रेम लक्की शेर्पा, उपाध्यक्ष ङवाङ साेनाम शेर्पा रहेका छन् । महासचिव दाेर्जे शेर्पा, सचिब फुर्तेम्बा शेर्पा, कोषाध्यक्ष पासाङ काजी शेर्पा छन् । कार्यसमितिको सदस्यहरुमा पासाङ शेर्पा, साङ्गे रिन्जीन शेर्पा, साेनाम शेर्पा रहेका छन् ।
अधिवेशनको खुल्ला सत्रमा नेपाल आदिवासी जनजाति महासंघ दक्षिण कोरियाका अध्यक्ष बिशन राई, किरात याक्थुङ चुम्लुङका अध्यक्ष दिर्ज काङवा लिम्बू, थारु कल्याणकारिणी सभाका अध्यक्ष शिव शंकर महतो, नेपाल आदिवासी जनजाति पत्रकार महासंघका अध्यक्ष गोकुल थोकर, नेपाल बौद्ध परिवारका अध्यक्ष कुसाङ शेर्पा, नेपाल मगर संघका अध्यक्ष तुला घर्ती मगर लगायतका वक्ताहरुले शुभकामना मन्तव्य व्यक्त गरेका थिए ।
मन्तव्यका क्रममा आदिवासी जनजाति महासंघका अध्यक्ष विसन राईले संगठन नै शक्ति भएकोले कोरियामा रहेका सबै शर्पाहरु एक भएर अघि बढ्नु पर्ने बताए । बौद्ध परिवारका अध्यक्ष कुसाङ शेर्पाले अहिलेका अध्यक्ष थुतुङ गेल्जी शेर्पाले धेरै खटेर शेर्पा समुदायको कोरियामा रहेको नेपाली समुदाय माझ चिनाउन सहयोग गरेको विचार राखे ।
सन् २०११ मा स्थापना भएको संघले शेर्पा समुदायको उत्थानका लागि विभिन्न सामाजिक कार्य गर्दै आइरहेको छ ।
अधिवेशनका तस्वीरहरु
