इलाम चियाबारी सांगितिक धमाकाको तैयारी अन्तिम चरणमा
इलामेली समाजले छुसकको अवसरमा आयोजना गर्न लागेको सांगितिक कार्यक्रमको तैयारी अन्तिम चरणमा पुगेको छ। हिजो दोङ्देमून स्थित निक नेपाल ट्राभल्सको सभाहलमा आयोजित चियापान तथा छलफल कार्यक्रममा सांगितिक धमाकाको तैयारीका बारेमा जानकारी गराएको थियो।
सेप्टेम्बर ३० मा आयोजना हुने यस कार्यक्रममा लोक गायक प्रकाश सपुत, युवा पुस्ता माझ धेरै रुचाइएका गायक एकदेव लिम्बू, गायिका रचना रिमाल, दिपा सुहाङ, गायक लक्ष्मण लिम्बू र पदम राइको प्रस्तुति रहनेछ्। 
१० जनाको समूहमा आउनेलाई एउटा टिकट निशुल्क दिइने कुरा अध्यक्ष टिका थेगिमले जानकारी गराएका छन्। साथै कार्यक्रमा इलामको अर्गानिक चिया पिलाउने प्रयास रहेको संयोजक केदार निरौलाले बताएका छन्।
