“आगो टेक्छ योद्धा” कोरियमा सार्वजनिक हुने
विनेश राई ‘मिन्जाई’ को गजल सङ्ग्रह ‘आगो टेक्छ योद्धा’ कोरियामा सार्वजनिक हुने भएको छ । छुसकको दोस्रो दिन सेप्टेम्बर २९ गते सउल दोङदेमुनमा हुने भएको हो ।
नेपाल आदिवासी जनजाति साहित्यकार लेखक महासङ्घ दक्षिण कोरियाको आयोजनामा हुने कार्यक्रममा उक्त कृति माथि परिचर्चा पनि हुने बताएको छ । परिचर्चा कार्यक्रममा टिप्पणीको लागि कवि स्पन्दन दिपक खनाल, ह्यारी बोण्ड र शकुन आँशु रहने छ । सहजकर्ता कवि दिलीप बान्तावाले गर्ने लेखक संघका महासचिव अमिर योञ्जनले बताएका हुन् ।
आदिवासी जनजाति साहित्यकार लेखक महासङ्घ दक्षिण कोरियाले विगतको बर्सहरूमा मातृभाषा काव्य यात्रा, पुस्तक प्रकाशन, पुस्तक विमोचन लगायतका कार्यहरू गर्दै आइरहेको योञ्जनले बताए । “दक्षिण कोरियामा रहेका सम्पुर्ण साहित्य प्रेमीहरुलाई कार्यकममा उपस्थित हुनकोलागि हार्दिक अनुरोध गर्दछु ।” महासचिव योञ्जनले अनुरोध गरे ।
कवि तथा गजलकार मिन्जाईको यो गजलसङ्ग्रह दोस्रो संस्करण हो । बिक्रम सम्वत् २०६८ मा प्रकाशित पहिलो संस्करण प्रकाशित भएको थियो । सङ्ग्रहमा ५२ वटा गजल र केही फिरतहरु रहेका छन ।
