मनाङ परिवार दक्षिण कोरियाको ११ औं अधिवेशन हुंदै।
२०२३ सेप्टेम्बर ०८,
सिउल , कोरिया।
मनाङ परिवार दक्षिण कोरियाको ११ औं अधिवेशन २०२३ तथा वनभोज कार्यक्रम आगामी मिति सन् २०२३ सेप्टेम्बर २८ देखि ३० तारिख हुने भएको छ।
सन् २००१ मा दक्षिण कोरियामा स्थापना भएको मनाङ जिल्लाबासीहरुको साझा संस्था मनाङ परिवारले विभिन्न मानवीय सेवा, सामाजिक कार्यहरु र खेलकुद क्षेत्रमा आफूलाई सकृय बनाउंदै आईरहेको छ। हिमाल पारिको जिल्ला भनेर परिचित मनाङ जिल्ला पर्यटकीय हिसाबले महत्वपूर्ण गन्तव्यको रुपमा लिने गरिन्छ । प्रसिद्ध तिलिचो ताल मनाङ जिल्लाकै एउटा सुन्दर आकर्षण मानिन्छ। उक्त जिल्ला बाट दक्षिण कोरिया आउनुभई विभिन्न शिलशिलामा बसोबास गरिरहनुभएका मनाङेहरु एकताबद्द भई गठन भएको यस संस्थाले नेपाल र कोरियामा धेरै उदहरणीय कार्यहरु गरिसकेको छ।उक्त तीन दिने कार्यक्रममा संस्थाको अधिवेशन संगसंगै वनभोज कार्यक्रम पनि आयोजना गरिएको संस्थाका वर्तमान अध्यक्ष विनराज गुरूङ ले जानकारी दिनुभएको छ।
सबैको विदाको समय अर्थात् कोरियन महान पर्व एवं छुसकको अबसर पारेर कार्यक्रम आयोजना गरिएको हुंदा मनोरञ्जन संगसंगै अधिवेशन पनि हुने भएको हुंदा कोरियामा बसोबास गरिरहनुभएका सम्पूर्ण मनाङे दाजुभाई तथा दिदिबहिनीहरुमा गरिमामय उपस्थिति जनाईदिनुहुन संस्थाका अध्यक्ष विनराज गुरुङले अनुरोध गर्नुभएको छ।
