तामाङ पत्रकार संघ दक्षिण कोरियाले २९ औं तामाङ प्रसारण दिवस अगष्ट १२ मा मनाउने
२९ औं तामाङ प्रसारण दिवसका अवसरमा ‘अनुभव बोलाबा थेन ज्याबाम्हान्बा फूल्बा गेताङ’ तामाङ पत्रकार संघ दक्षिण कोरियाले अगष्ट १२ मा जूम भर्च्युअल माध्यमबाटै मनाउने भएको छ ।
वि.सं. २०५१ साल भदौ १ गते बिधुतीय सञ्चारमाध्याम रेडियो नेपालमा तामाङ भाषाबाट तामाङ तामसोर (समाचार) प्रसारण भएको थियो । उक्त समाचार रमिता लामा बलको वाचन, अमृत योञ्जन (तामाङ), र ध्यान बहादुर मोक्तान समाचार टोली रहेको थिए ।
तामाङ समाचार प्रसारण भएको उक्त समयलाई नै वि.सं. २०६१ सालमा तामाङ समुदायको सञ्चारकर्मीहरूले स्थापना गरको तामाङ सञ्चार समूह अहिलेको तामाङ पत्रकार संघले तामाङ प्रसारण दिवसका रूपमा मनाउन थालिएको हो ।
उक्त कार्यक्रममा प्रमुख वक्ताको रूपमा बरिष्ठ पत्रकार उनै समाचार बाचिका रमिता लामा बलको अनुभव प्रस्तुत गर्ने तामाङ पत्रकार संघ दक्षिण कोरियाका अध्यक्ष अमिर योन्जनले जानकारी दिए । प्रवासको समयलाई मध्यनजर गर्दै भदौ १ गतेको कार्यक्रम केही दिन अगावै मनाउन लागेको समेत अध्यक्ष योन्जनले जानकारी दिए ।
तामाङ पत्रकार संघ दक्षिण कोरियाले संघकै केन्द्रीय समिती, संघीय समिती, आदिवासी जनजाती महसंघ (नेफिन) कोरिया, नेपाल तामाङ घेदुङ कोरिया, आदिवासी जनजाती पत्रकार महसंघ (फोनिज) कोरिया लगायत अन्य संघसंस्थाहरूलाई समेत पत्राचार गरि उपस्थिति लागि निमन्त्रणा गरेका छ ।
तामाङ समुदायको वर्तमान स्थिती, समुदायको संघसस्था, राजनितीज्ञ र पत्रकारको भूमिका अबको रणनिती कस्तो हुनुपर्छ भन्ने विषयमा ब्यापक छलफल गरि सकारात्मक निष्कर्ष निकाली समाज परिवर्तनमा भूमिका खेल्न सकेमा उक्त कार्यक्रमको सार्थकता हुने देखिन्छ ।
