मनमा काम गर्ने हुटहुटी छ । त्यसैले एनआरएनको अध्यक्षमा मेरो उम्मेद्वारी : विपिन गुरुङ

बाग्लुङ गल्कोटका धेरै जापान जाने चलन थियो । तर विपिन गुरुङ कोरिया आए । ‘दाइ यतै थिए । त्यसैले म पनि यतै आएँ ।’ उनले दुई दशक अघिका कुरा सुनाए ।
नेपालमा उनी खुबै भलिबल खेल्थे । विभिन्न क्लवहरुमा खेल्दै गर्दा नेसनल टिममा छनोटमा पर्ने पक्का जस्तै थियो । तर त्यही बेला कोरिया आउन पर्यो । सन् २००१ मा यता आएका उनी त्यस पछि यतै भए ।
हेर्दा हेर्र्दै कोरिया फेरियो । कोरियामा रहेको नेपाली सामाज फेरियो । उनी पनि समयसँगै फेरिने भए नै । ‘हिजो जस्तो लाग्छ कोरिया छिरेको दुई दशक नाघेछ । भिन्न सामाजमा विभिन्न थरिका काम गरियो । त्यही कामले कोरियामा भएको नेपाली समाजले राम्रो नराम्रो जे भने पनि विपिनलाई चिन्छ ।’ उनले आफ्नै मुल्याङ्कन गरे ।
विपिनको अहिले दुई वटा रेष्टुरेन्ट राम्रै्र चलेका छन् । व्यवसाय राम्रै छ । उनलाई भने गैर आवासीय नेपाली संघ एनआरएन कोरियाको चुनावले व्यस्त बनाएको छ । उनी यस पटक एनआरएनए कोरियाको अध्यक्षका प्रत्यासी छन् । कहिले कहाँ पुग्नु पर्ने कहिले कहाँ ?
उनलाई यो पटकको चुनाव अनलाइन भएको पनि मन परेको छैन । ‘यत्रो विकसित देश कोरियाको राष्ट्रपतिको चुनाव अनलाईन गर्न सकिदैन होला त ? सकिन्छ होला नी तर पनि उनीहरुले बुथमै भोट हाल्ने चलन छ । हाम्रो पनि त्यस्तै हुन पर्छ । पायक पर्दैन भने सबै क्षेत्रमा भोट हाल्ने व्यवस्था गर्ने नि ।’
यस अघि सन् २०१९–२०२१ मा अध्यक्ष पदका उम्मेद्वार थिए । ‘त्यति बेला मैले जित्नु पर्ने हो विभिन्न कारणले हारियो । साथीभाइले यो पटक विपिनको लागि हो भनेर सहमति गरेर सम्झौता पनि गरेका छन् । वचनको मान्छे हो भने साथीभाइले सहयोग गर्नु पर्ने हो । हस्तक्षर गरेको सम्झौता पत्र सुरक्षित नै छ ।’ उनले गुनासो गरे ।
कोरियामा भलिवलको खेललाई व्यवस्थित गर्ने मैले सहयोग गरेको छु । ‘म बाग्लुङ समाजको भलिवल क्याप्टन भएर ११ बर्ष खेलेँ । कोरियामा भएका विभिन्न जातिय क्षेत्रीय संघसंस्थामा बसेर काम गरेको छु । एनआरएन मै उपाध्यक्ष, बरिष्ठ उपाध्यक्षमा बसेर काम गरि सकेको छु । संस्थामा बसेर केही गरेको हुँ । धेरै गर्न सकिएन । त्यसैले आगमी दुई बर्षमा कोरियाको एनआरएनको लाई सबै साथीभाइसँग गौरवले देखाउने संस्था बनाउन पनि म अध्यक्षको प्रत्यासी भएको हुँ ।’
एनआरएन कोरियाको चुनाव खर्चिलो छ । अध्यक्षको उम्मेद्वार हुनका लागि मात्रै पनि ३० लाख वन लाग्छ । ‘हो नि चुनाव त महंगै हुने भयो । साथीभाइले सहयोगका लागि पनि धेरै ठाउँमा कुरा गर्नु हुन्छ । अलि खर्चिलो नै छ । समाज सेवाका लागि त्यति धेरै शुल्क नराखेको भए पनि हुने हो ।’ उनलाई पनि लागेको रहेछ खर्चिलो चुनावी अभियान नभएको भए राम्रोह हुन्थ्यो होला । ‘सबै भन्दा सवल पक्ष भनेको यस पटक धेरै साथीभाइले सदस्यता लिनु भएको छ । हो पनि यस पटक झन्डै ५ हजारको हाराहरीमा कोरियामा रहेका नेपालीले सदस्यता लिएका छन् ।’
अध्यक्षमा जित्नु भयो भने के गर्नु हुन्छ ? प्रश्न खस्न नपाउँदै उनले कामका लामो लिस्ट सुनाए । ‘राजदुतावाससँग मिलेर गर्ने काम, कोरियामा रहेको विद्यार्थीका समस्या हेर्ने काम, कोरियामा रहेका मजदुरका समस्यालाई समाधान गर्ने काम आदि ईत्यादी । यत्रो धेरै काम सकिएला त ? सक्काउने गरेर गर्ने हो सकिन्छ नी । हामीले बाटो विरायौ भने हेर्ने समाज छ । खवरदारी गर्ने तंपाईहरुले पनि त हो ।’
व्यापार व्यावसाय भएको मान्छे व्यापार नै गर्नु नि ? ‘खाने, बस्ने मात्रै त जस्ले पनि गर्छ नी । आहालमा बस्ने भ्यागुतो त बाहिर तिर डुल्छ भने हामीले त समाजको लागि केही गर्नु पर्यो नी । मेरो मनमा अहिले एउटा काम गर्ने हुटहुटी काम गर्ने हुटहुटी छ । त्यसैले यो मौका मलाई हाम्रो टिमलाई ।’