अनुभव र परिपक्कता नै मेरो उम्मेदवारीको मुख्य कारण हो – बुद्धि गुरुङ


सन् १९९० ताका नेपालबाट दक्षिण कोरिया आउन अहिलेको जस्तो गाह्रो थिएन । नेपालबाट प्लेन चढेर कोरियाको एयरपोर्ट आइपुगेपछि एराइभल भिसा पाइन्थ्यो । त्यसैले पासपोर्ट बोक्यो टिकट काट्यो लाग्यो कोरिया । हो त्यस्तै समय अर्थात सन् १९९१ मा कास्कीबाट २२ बर्षको उमेरमै कोरिया आएका हुन बुद्धि गुरुङ ।

सुरुका वर्षहरूमा मजदुरी गरे । साहुको काम कति गर्ने भन्ने सोचले उनले आफैले सन् १९९९ मा राजधानी सउलको दोङ्देमुनमा नेपाली पसल खोले । व्यापार व्यवसाय फैलाउन दिन रात लागे । अहिले नेपाली व्यवसायीहरुको बाग्लो बसोबास रहेको दोङदेमुनमा व्यवसायको सुरुवात आफैले गरेको दाबी छ गुरुङको । “उक्त समयमा दोङदेमुनमा विदेशी म सहित एकजना बङ्गाली र पाकिस्तानीको मात्र पसल थियो ।” पुराना दिन सम्झिए ।

अहिले भने सुवन र ख्यङ्गीदोको विभिन्न क्षेत्रमा ४ वटा नेपाली रेष्टुरेन्ट संचालन गर्दै आएका छन् । यसरी लामो समयसम्म कोरियामा रहेर व्यवसाय गर्दै गर्दा विभिन्न सामाजिक संस्थाहरूमा अवद्ध भएर सामजिक कार्यहरुमा पनि सक्रिय सहभागिता जनाउँदै आएको छन् । केही समय ख्यङ्गीदोमा भाषा अनुवादकको रुपमा सेवा गरिसकेको अनुभव पनि छ । अहिले पनि अध्यागमन सम्बन्धी तथा भाषाको कारणले समस्यामा परेका नेपालीहरुलाई आवश्यक सहयोग गर्दै आएका छन् ।

व्यवसायीका यात्रा सँगै सामाजिक कार्यमा सक्रिय हुँदै गर्दा एनआरएनए दक्षिण कोरियाको सदस्यको रुपमा पनि एक कार्यकाल काम गरिसकेको अनुभव छ गुरुङसँग । त्यसपछि एनआरएनए कोरियाको छैटौँ कार्यसमितिको निर्वाचन देखि नै उनले अध्यक्ष पदमा दावि गर्दै अएका छन् । उक्त समय देखी विभिन्न साथीहरुलाई पालो दिदै आएको तर पछि सबैले धोका दिएको उनको गुनासो छ । सातौँ महाधिवेशनमा पनि प्रत्याशी रहेका गुरुङ यसपालि भने आफ्नो जित सुनिश्चित रहेको दाबी गर्छन् ।

अहिले सम्म एनआरएनए कोरियाको नेतृत्वमा पुग्न धेरै साथीहरुलाई सहयोग गरिसकेको तर अब आफै नेतृत्व गरेर एनआरएनए कोरियालाई सबल र सबै नेपालीहरुको साझा संस्थाको रुपमा अगाडि बढाउन आफ्नो उम्मेदवारी रहेको भनाई छ गुरुङको । कोरियाको लामो बसाई र उक्त समयमा आफूले नेपाली समाजलाई गर्दै आएको योगदान नै आफ्नो जितको मुख्य आधार ठान्छन् उनी । “कोरियामा रहेका नेपालीहरुलाई थाहा छ कुन मान्छे नेतृत्वका लागि ठीक छ भन्ने कुरा । त्यसैले यसपाली मेरो जित हुन्छ भन्नेमा ढुक्क छु ।” गुरुङ दावी गर्छन् । “अनुभव र परिपक्कताको हिसावले पनि एनआरएनए कोरियाको नेतृत्व गर्न म सक्षम छु ।” उनी थप्छन् ।

आफ्नो नेतृत्वको दाबी गर्दै गर्दा विगतका नेतृत्वहरुले गरेका कामहरुलाई भने सम्मान गर्छन उनी । समय र परिस्थिति अनुसार आवश्यक्ता पनि परिवर्तन हुदै जाने भएकाले त्यही अनुसारको नयाँ र परिमार्जित कार्ययोजना बनाएर एनआरएनए कोरियालाई अगाडि बढाउने आफ्नो योजना रहेको बताए ।

अरु उमेदवारीहरुको जस्तै उनको पनि धेरै प्रतिवद्धताहरु छन् । यहाँ रहेका नेपालीहरुको समस्यालाई मध्यनजर गरेर सार्वजनिक बिदामा राजदुतावास खोल्नको लागि पहल गर्ने देखी कोरियामा नै स्थाई बसोबास गरिरहेका नेपालीहरुको सन्तानलाई नेपाली भाषा मैत्री विद्यालय स्थापना गर्ने सम्मको योजना छ ।

भाषागत समस्या, कानुनी परामर्श एवं नेपाली श्रमिकसँग सम्बन्धित समस्याहरूको समाधानको लागि अनलाईन हेल्पडेस्कको स्थापना गर्ने । कोरियामा बेला बखतमा हुने गरेको नियम/कानुन परिवर्तनका बारेमा नेपालीमा नै यथाशिघ्र जानकारी गराउने लगायत मजदुर, विद्यार्थी र अन्य विभिन्न भिषामा यहाँ रहेका नेपालीहरुलाई आइपर्ने समस्याहरुलाई समाधान गर्ने वातावरण बनाउन आफूले पहल कदमी लिने प्रतिबद्धता गरेका छन् गुरुङले ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • पाँचथर सेवा समाज कोरियाको अधिवेशन सम्पन्न, अध्यक्षमा रमेश लावती
  • सिन्धुपाल्चोक समाजको पाँचौँ अधिवेशन सम्पन्न, अध्यक्षमा राज लोप्चन
  • कोरियामा सोनाम ल्होछार बृहत सांस्कृतिक कार्यक्रम २०२४ भव्यताका साथ सम्पन्न
  • “खाजी होई ल्होछार” गीत सार्वजानिक
  • ताजा अपडेट

    ईपिएस

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    नेपालको गाउ विकासमा कोरियन कम्पनीको चासो

    कोरियाको शोजेएम प्रालि कम्पनीले नेपालका विभिन्न गाउं पालिकाका अध्यक्षहरुसंग भगिनी सम्बन्ध कायम गर्दे गाउं विकासको कार्यमा सहकार्य गर्ने भएको छ । आज काठमाण्डौको धुम्बाराही स्थित आकामा होटलमा भेटघाट कार्यक्रम गर्दे शोजेएम कम्पनी कोरिया र पांचथर जिल्ला ...

    सन् २०२४ का लागि प्रवासी श्रमिकको कोटा निर्धारण, 16 देश बाट १ लाख ६५ हजार

    दक्षिण कोरियाले सन् २०२४ का लागि रोजगार अनुमति प्रणाली (ईपिएस) मार्फत १ लाख ६५ हजार कामदार कोरिया ल्याउने भएको छ । मंगलबार बसेको प्रवासी मजदुर नीति निर्धारण समितिको बैठकले सो निर्णय गरेको हो ।   कोरियामा भएको मजदुर अभाबलाई कम गर्नका लागि अहिलेसम्मकै बढि विदेशी ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...