नेपालबाट आएका करातेका खेलाडीले बुसानमा ८ स्वर्ण सहित ९ पदक जिते ः खेलाडीहरुलाई सम्मान तथा बधाई कार्यक्रम सम्पन्न
दक्षिण कोरियाको वुसान शहरमा जुन २९ देखि जुलाई ३ सम्म भएको १५आंै कोरिया खुल्ला अन्तर्राष्ट्रिय वादोकाई कराते प्रतियोगितामा नेपालबाट आएका खेलाडीले ८ स्वर्ण सहित ९ पदक जितेका छन् । सोल देखि ३ सय ४० किलोमिटर टाढा पर्ने बुसानमा भएको खेलमा नेपाल, कोरिया, हङकङ, सिंगापुर लगाएत ११ देशका खेलाडीले भाग लिएका थिए ।
नेपालबाट आएका खेलाडीले विभिन्न देशका प्रतिनिधिसँग प्रतिस्पर्धा गरेका थिए । भेटे«ेन तर्फ नेपालका ४५ बर्षिय चित्र श्रेष्ठले सिंगापुरका खेलाडीलाई हराएर स्वर्ण जितेका थिए । त्यस्तै जुमान सिंह गुरुङले ७५ किलो तौल समूहमा स्वर्ण जितेका हुन भने रिगन घलेले ११ बर्षको उमेर समूहमा प्रतिस्पर्धा गरेर स्वर्ण जितेका थिए । त्यस्तै नेपालबाट आएकी सुचित्रा गुरुङले १० बर्ष समूहमा दुई वटा स्वर्ण जितेकी हुन् । आर्यन रञ्जित १२ बर्ष उमेर समूहमै स्वर्ण पदक जितेका हुन् । ६० किलो तौल समूहमा यम बहादुर समालले स्वर्ण पदक जितेका थिए । त्यस्तै ८४ किलो समूहमा दिगम्बर पन्तले स्वर्ण जितेका हुन् भने ७५ किलो तौल समूहमा दिगाम्बर प्रसाद पन्तले काँस्य पदक जितेका हुन् ।
नेपालबाट आएर कोरियामा स्वर्ण जित्ने खेलाडीहरुलाई सम्मान गरिएको छ । नेपालबाट खेलमा भेट्रान तर्फ स्वर्ण पदक प्राप्त गरेका चित्र श्रेष्ठको समूहलाई नेपाल तामाङ घेदुङ द.कोरिया, सिन्धुपाल्चोक समज दक्षिण कोरिया, चितवन सम्पर्क समिति द कोरिया, मकवानपुर कोरिया मन्च, दर्शन नमस्ते रेष्टुरेन्ट, सेकुवा हाउस, नेपाली थाई रेस्टुरेन्ट, नुवाकोट समाज, दोङदेमुन व्यवसायीक संघ, लास्सो अन्नपूर्ण रेष्टुरेन्टको तर्फबाट संयुक्त बधाई तथा सम्मान गरेका थिए ।
त्यस्तै सञ्जय रन्जितको समूहलाई आन्सानको याक रेष्टुरेन्टका एक कार्यक्रमको आयोजना गरेर खेलाडीलाई सम्मान गरिएको थियो । कार्यक्रममा करातेका पुर्व खेलाडी विजय लामा पनि सम्मान कार्यक्रममा उपस्थित थिए ।
तस्विरहरू
